Благите временски услови низ Европа во последниве недели се добар знак за регионот дека ќе избегне недостиг на природен гас оваа и следната зима, според Trafigura Group, еден од најголемите светски трговци со стоки.
Злихите на гас во Европа зимава најверојатно ќе се намалат за околу две третини, под услов времето да биде нормално и руските текови низ Украина да продолжат, изјави извршниот директор на Trafigura, Џереми Веир. Тоа значи дека регионот ќе може да го преживее претстојниот зимски период и да има доволно резерви на гориво за да ја избегне кризата и следната година, додава тој.
„Ако биде така, можеби нема да имаме толку многу проблеми следната зима, што всушност беше вистинската причина за загриженост“, рече Веир во средата во Сингапур на азискиот самит Financial Times Commodities. „Мислам дека е ублажен значаен проблем“, нагласи тој.
Прочитај повеќе
ЕУ предлага максимални цени за гасот, Русија најавува помали испораки
ЕК предложи ограничување од 275 евра за мегават-час, додека сегашната цена е околу 120 евра.
22.11.2022
Гаспром предупреди дека ќе го намали дотокот на гас кон Европа
Рускиот производител соопшти дека некои количини гас наменети за Молдавија се чуваат во Украина
22.11.2022
Енергетските берзи до ЕУ: Ограничувањето на цената на гасот е закана
Водечките европски енергетски берзи предупредија дека планираното ограничување на цените на природниот гас претставува сериозна закана.
22.11.2022
Колку скапо ќе ги плаќаме гасот и струјата в година: Прогнози
Во текот на грејната сезона цените малку ќе флуктуираат, потоа се очекува намалување.
21.11.2022
Исклучително благите временски услови низ северозападна Европа од октомври, доведоа до драстичен пад на цените на гасот од рекордното ниво во текот на летото. Регионот, исто така, е во трка за надополнување на залихите и увоз на пратки на течен природен гас (ЛНГ), суперладно гориво што се транспортира со брод, а не преку цевковод.
Depositphotos
Сега сме во ситуација да „имаме многу робусни складишта на гас во Европа“, посочи Веир. „Бевме многу загрижени за цените на енергијата, но сега тоа спласнува“.
Сепак, „Гаспром“ се закани дека ќе го намали протокот на гас што се испраќа преку Украина, откако рускиот производител изрази загриженост за количините што стигнуваат до Молдавија.
Владините и комуналните претпријатија предупредија дека Европа ќе се соочи со акутен недостиг на гас следната зима, за кога се очекува врвот на светската енергетска криза. Русија во суштина го прекина снабдувањето со гас за Европа, што го направи надополнувањето на залихите уште поголем предизвик за регионот.
.webp){kind=icon}
