Жителите на Њујорк се соочуваат со висок раст на сметките за електрична енергија оваа зима бидејќи војната во Украина и закрепнувањето на локалната побарувачка ја зголемуваат цената на природниот гас, кој има клучен придонес за работата на електраните, велат операторите на електричната мрежа во државата.
Цените на природниот гас во Њујорк за испорака во јануари се веќе за повеќе од 60 отсто повисоки од пред една година, бидејќи војната ја ограничува глобалната понуда и побарувачката по пандемијата ги зголемува цените.
Овие трошоци се пренесуваат на потрошувачите кои користат електрична енергија од гасни постројки. Регионот има доволно електрична енергија - и природен гас за напојување на тие генератори - дури и за најекстремните студени сценарија оваа зима, се вели во соопштението на независниот системски оператор на Њујорк.
Националниот оператор тесно соработува со комуналните претпријатија, производителите и другите страни за да обезбеди соодветно снабдување со гориво. Побарувачката за електрична енергија во државата се очекува да достигне максимум од околу 23,9 гигавати оваа зима, што е за 2,8 отсто повеќе од минатогодишниот рекорд, соопшти комапнијата.
Во екстремно студено сценарио, побарувачката би го надминала зимскиот рекорд поставен за време на поларниот вител во 2014 година. Еден гигават е доволен за напојување до 1 милион домови.
.webp){kind=icon}
