Претседателот на германскиот регулатор за гас на мрежата BNetzA побара од домаќинствата и компаниите да го намалат греењето додека земјата се обидува да ги зачува резервите по намалувањето на дотокот од Русија.
„Граѓаните можеби не би требало да го засилуваат греењето до крајот и добро да размислат за тоа која соба треба да биде загреана“, рече претседателот на BNetzA, Клаус Милер, во интервју за јавниот сервис АРД (ARD).
Индустриската потрошувачка на гас падна за 12 проценти во минатата недела, а потрошувачката во домаќинствата и комерцијалните домаќинства за 13 отсто, објави Милер на „Твитер“. Претходно тој рече дека Германија мора да ја намали потрошувачката на гас за најмалку 20 отсто, за да помогне да се надомести загубата во испораката од Русија.
„Вчерашните бројки не беа многу сјајни. Ако тоа беше само поединечен случај, тогаш може да заборавиме“, рече Милер за АРД.
Русија, која претходно обезбедуваше околу 40 проценти од европските енергетски потреби, оваа година го намали протокот преку гасоводите во знак на одмазда за санкциите поврзани со нејзината инвазија врз Украина.
Милер рече дека уште не е загрижен поради физички недостиг. Тој напомена дека ќе се следи состојбата и што ќе се случува во следните неколку дена.
Најголемата европска економија моментално добива гас од Норвешка, Белгија и Холандија, како и нешто малку од Франција. Таа ќе добие повеќе преку увозните терминали за течен природен гас, кои земјата веќе почна да ги гради.
.webp){kind=icon}
