Mрежата за пренос на електрична енергија во Обединетото Кралство се соочува со рекордни трошоци оваа година додека се бори да ја балансира понудата и побарувачката среде енергетската криза во Европа.
National Grid Plc плати 3,2 милијарди фунти (3,85 милијарди долари) во периодот од јануари до октомври за таканаречените трошоци за балансирање, покажуваат податоците на операторот. Во крајна линија, тој трошок ќе го надоместат потрошувачите, што е зголемување за повеќе од 20 отсто во однос на минатогодишната вкупна сметка, а податоците за два месеци допрва ќе се објавуваат.
Мрежата мора да ја балансира понудата и побарувачката кога пазарите се затегнати, обично во постудените месеци. Ова значи дека треба брзо да ги обезбедат залихите кога е потребно - понекогаш со вртоглави трошоци, правејќи им огромни профити на операторите. Една електрана на гас управувана од VPI Holding Ltd., единица на Vitol Group, заработила повеќе од 11 милиони фунти за само еден ден овој месец.
Портпаролот на National Grid ESO одби да коментира.
Британија е зафатена од криза предизвикана од рускиот притисок врз испораките на гас во Европа, што ја зголеми и цената на струјата. Тоа значи дека операторот за пренос мораше да плати повеќе за зголеменото производство од електраните, како и за продолжување на животниот век на термоцентралите што требаше да бидфат исклучени.
Повисоката сметка, исто така, ги одразува ограничувањата на мрежата. Кога ветерните електрани во Шкотска произведуваат повеќе енергија отколку што може да издржи системот, операторот на мрежата мора да им плати за да запрат.
Инвестирањето во нуклеарни централи би можело да биде еден начин да се обезбеди стабилна моќност и да се избегнат скапите трошоци за балансирање. Во меѓувреме, енергетскиот регулатор Офгем, исто така, се обидува да се справи со проблемот, предлагајќи нови услови за добивање лиценца што ќе го спречи создавањето висок профит во услови кога мрежата е оптоварена
.webp){kind=icon}