Нафтата продолжи да ниже загуби поради загриженоста дека брзото укинување на политиката за нулта ковид од страна на Кина може да доведе до пораст на инфицираните случаи во светот.
Вредноста на ВТИ падна за 2,4 проценти и се тргува на ниво близу 77 долари за барел. Поточно, ВТИ за испорака во февруари се продава за 77,05 долари, додека нафтата брент потона за 2,2 процента, на 81,47 долар.
САД ќе бараат од патниците на авиокомпаниите од Кина да покажат негативни тестови за вирусот, додека Италија ќе започне со тестирање на патниците од азиската нација по пристигнувањето. Тоа го засенува оптимизмот за долгорочното закрепнување на побарувачката во Кина.
Движење на цената на нафтата брент и ВТИ / Bloomberg Mercury
„Отстранувањето на ограничувањата за патување може да предизвика уште една глобална епидемија. Тоа го зголемува потенцијалот за нов удар врз побарувачката и намалување на цените“, рече Џон Дрискол, директор на ЈТД (JTD Energy Services Pte).
Обемот на тргување беше слаб во текот на оваа недела, а периодот на одмор помеѓу Божиќ и Нова година ја намали активноста. Индустрискиот извештај во средата покажа пад на резервите на сурова нафта во САД, а владините податоци треба да се достават во текот на денешниот ден.
Суровата нафта се движи кон првата квартална загуба од 2019 година, по нестабилната година во која се зголемија цените на фјучерсите по руската инвазија врз Украина, пред да се повлече поради зголемената загриженост за глобалното економско забавување.
.webp){kind=icon}
