.webp){kind=icon}
„Голдман Сакс Груп“ АД ги зголеми прогнозите за цените на алуминиумот, велејќи дека поголемата побарувачка во Европа и Кина може да доведе до недостиг од понуда.
Металот веројатно ќе има просек од 3.125 долари за тон оваа година во Лондон, рекоа аналитичарите меѓу кои Николас Сноудон и Адити Раи во белешката до клиентите. Тоа е повеќе од сегашната цена од 2.595 долари и во споредба со претходната прогноза на банката од 2.563 долари.
„Голдман“ очекува дека металот, кој се користи за правење сè, од лименки пиво до делови за авиони, ќе се искачи на 3.750 долари за тон во следните 12 месеци.
„Со видливи глобални залихи кои стојат на само 1,4 милиони тони, што е намалување за 900.000 тони од пред една година и сега најниско од 2002 година, враќањето на збирниот дефицит брзо ќе предизвика загриженост за недостигот“, велат аналитичарите.
„Наспроти многу побенигното макро опкружување, бледнеење на спротивставените ветришта кај доларот и забавување на циклусот на подигање на каматите од ФЕД, очекуваме нагорниот ценовен импулс постепено да се зголемува до пролетта“.
Алуминиумот достигна рекордни височини веднаш по руската инвазија на Украина во февруари минатата година. Оттогаш опадна бидејќи поради енергетската криза во Европа и забавената глобална економија многу топилници го ограничија производството.
Како и многу банки од Вол Стрит, „Голдман“ има надолни проекции за стоките како целина, тврдејќи дека недостатокот на инвестиции во последниве години доведе до ниски бранови на понудата. Оттаму очекуваат дека класата на средства ќе генерира поврат на инвеститорите од повеќе од 40 проценти оваа година, бидејќи Кина повторно се отвора и глобалната економија ќе зајакне во втората половина од годината.
