Индија сака да потпише многу повеќе долгорочни договори за купување течен природен гас за да го поттикне својот економски раст.
„’Петронет’ (Petronet LNG Ltd), најголемиот увозник на гас во Индија, сака да обезбеди 12 милиони тони годишно дополнително снабдување со долгорочни договори“, изјави денеска управниот директор Акшај Кумар Синг. Тоа е еквивалентно на околу 60 отсто од испораките на нацијата минатата година, според податоците за следење бродови.
„Њу Делхи се обидува да го зајакне својот капацитет за увоз на течен природен гас за да го зголеми уделот на природен гас во производството на електрична енергија до 15 проценти до 2030 година, од сегашните околу шест отсто“, изјави премиерот Нарендра Моди. На тој начин се очекува да се намали употребата на јаглен во производството на струја.
Индија ќе се соочи со конкуренција од другите увозници што сакаат да потпишат долгорочни договори за да ја намалат својата изложеност на нестабилност поради искуството од минатата години со рекордниот скок на цените за купување гас во моментот.
„Петронет“ има цел да го продолжи и постојниот договор со Катар и ќе бара дури еден милион тони годишно повеќе од доставувачот од Блискиот Исток. Компанијата предложи и терминал за увоз на течен природен гас во Гопалпур и проширувањето на постојната фабрика во Дахеј, кои треба да бидат ставени во функција кон крајот на оваа деценија.
.webp){kind=icon}
