„Линколн Пауер“(Lincoln Power LLC), сопственик на две електрани во Илиноис, поднесе барање за стечај заради влошување на финансиската позиција по изречените казни од речиси 39 милиони американски долари.
Поднесувањето на барањето за стечај му дозволува на „Линколн“, да продолжи да работи додека подготвува план за отплата на доверителите.
„ПЏМ Интерконекшен“ (PJM Interconnection LLC) компанијата која управува со мрежата што се протега од Вашингтон до Чикаго, го казни „Линколн“ откако неговите погони во Елгин и Источен Данди, Илиноис, не произведоа доволно енергија за време на силната зимска бура во декември. Во февруари, операторот на мрежата бараше од овие погони да ја докажат кредитоспособноста на „Линколн“, покажуваат документите поднесени пред стечајниот суд.
Преговорите што следеа резултираа со тоа што „ПЏМ“од фабриките секоја недела задржуваше вкупно 350.000 американски долари.
Линколн не е единствената компанија која се соочува со парични казни што ги воведе „ПЏМ“ за фабриките одговорни за неуспехот да реагираат на итни случаи. Операторот на мрежата проценува дека овие казни би можеле да достигнат 2 милијарди американски долари заради прекините во електричната мрежа за време на невремето во декември. „ПЏМ“ исто така, побара од федералните регулатори да им дадат на компаниите во ризик од банкрот повеќе време да ги платат овие казни.
Двете фабрики на „Линколн“, исто така, поднесоа барање за стечај, но се очекува да продолжат да работат, рече Џеф Инграхам, главен оперативен директор.
Неочекуваните парични казни и задржаната готовина ги оптоварија веќе затегнатите финансии на компанијата, рече Џастин Пју, главниот директор за реструктуирање на „Линколн“.
„Како резултат на овие фактори, товарот на долгот едноставно повеќе не е одржлив “, рече тој.
Компанијата им должи на заемодавците повеќе од 150 милиони долари преку орочен заем и револвинг кредит, покажуваат судските документи. Исто така, има околу 8 милиони долари во ненаплатени акредитиви.
.webp){kind=icon}
