.webp){kind=icon}
Фјучерсите на пченицата се на вистински пат да остварат најголем дводневен напредок во повеќе од еден месец поради загриженоста дека Русија може да го прекине извозот на украинското жито како одмазда за неодамнешниот напад врз Кремљ.
Украинскиот претседател ги отфрли руските наводи дека стои зад нападот со дрон врз резиденцијата на рускиот претседател Владимир Путин во Москва.
Инцидентот буди тревога дека Русија може да возврати со затворање на таканаречениот безбеден коридор што им овозможува на украинските посеви да го минуваат Црно Море за да извезуваат пченица до меѓународните пазари.
Движење на цената на пченицата и пченката / Bloomberg Mercury
Пченицата денеска поскапе за 1,2 отсто, откако нејзината цена вчера скокна дури за пет проценти. Сепак, трговците се борат со лошите изгледи за понуда во клучните региони за пченица, вклучувајќи го и Бразил, каде што земјоделците се подготвуваат за жетвата, за која се очекува да понуди рекорден род на пченка.
„Тензиите во Црно Море остануваат голем проблем во пресрет на предложените преговори утре во Москва“, рече аналитичарот на „Стоун“ (StoneX), Мет Зелер.
Во меѓувреме, извозните продажби на пченка во САД во неделата што заврши на 27 април паднаа на најниско ниво од 2017 година поради откажувањата од Кина. Фјучерсите за пченка и соја паднаа за нешто помалку од еден отсто.
