Цената на нафтата паѓа поради исчекувањата за критичниот извештај за инфлацијата во САД додека инвеститорите ги анализираат мешаните извештаи за испораките. ВТИ потона до 73 долари, откако претходно скокна за 7,5 проценти во текот на трите сесии на тргување, а најмногу поради тоа што Белата куќа соопшти дека ќе започне да купува сурова нафта за да ги дополни резервите.
Конкретно, ВТИ за испорака во јуни падна за 0,8 проценти, на 73,13 долари за барел, а за исто толкав процент се намали и нафтата брент, така што таа падна на 76,84 долари.
Bloomberg Mercury
Растот на цената беше поддржан и од шумските пожари во Канада, кои го намалија производството. Инвеститорите внимателно ќе ги следат податоците за инфлацијата во САД, кои ќе бидат објавени денеска, а кои треба да ја покажат веројатната патека на каматните стапки при следното одлучување од страна на Федералните резерви (ФЕД), бидејќи економијата покажува знаци на забавување, што може да ја поткопа побарувачката на енергија.
Суровата нафта оваа година изгуби околу девет проценти од својата вредност бидејќи грижите за затегнувањето на монетарната политика од ФЕД и потенцијалната американска рецесија ги надминаа солидните физички пазари и намалувањето на понудата од страна на Организацијата на земји извознички на нафта и нејзините сојузници (ОПЕК+). Сепак, рускиот извоз продолжи да покажува мали знаци на опаѓање и покрај тоа што Москва вели дека нејзините ограничувања на производството речиси ја достигнале целта од 500.000 барели дневно.
Последниот извештај, финансиран од индустријата, покажа мешана слика во САД пред официјалните податоци што ќе бидат објавени денеска. Имено, резервите на нафта низ целата земја минатата недела се зголемија за 3,6 милиони барели, но паднаа во клучниот центар Кушинг, Оклахома, објави Американскиот институт за нафта. Податоците покажуваат и зголемување на резервите на бензин, но пад на дестилатите.
.webp){kind=icon}
