Цените на природниот гас во Европа го продолжија шестнеделниот пад, а главна причина за тоа е слабата побарувачка, којашто ја ограничува потребата од поагресивни набавки за пополнување на залихите.
Референтните фјучерси денеска паднаа под границата од 32 евра и се доближија до најниските нивоа забележани во јули, 2021 година. Цените се повеќе од преполовени од почетокот на оваа година во услови на стабилно снабдување, релативно високи температури и посилен придонес на обновливите извори во производството на енергија.
Пазарот на гас во регионот се опоравува откако Русија го намали снабдувањето по нејзината инвазија на Украина минатата година. Залихите во регионот се невообичаено високи (исполнетост на капацитетите од 63 проценти).
Прочитај повеќе
Европскиот гас бележи најдолга низа на ценовен пад од 2020 година
Холандскиот гас денеска се тргуваше за 6,3 проценти пониско, по цена од 32,80 евра за мегават-час.
12.05.2023
ЕУ отвора клуб на купувачи на гас за да избегне ценовни шокови
Новата платформа за заеднички набавки на гас, „Агрегат ЕУ“ (AggregateEU), официјално беше отворена утрово.
25.04.2023
Побарувачката за индустриски гас во Европа од јануари до април била за 20 проценти пониска од петгодишниот просек, според Розалин Хулс, аналитичарка од „Вуд Мекензи Лтд. (Wood Mackenzie Ltd.).
Сепак, трговците се надеваат на можноста за поголема потреба од гас во наредните недели доколку времето стане потопло. Тоа може да значи поголема потрошувачка на гориво за напојување на климатизацијата додека енергетските компании се обидуваат да ги надополнат залихите на гас пред зимата.
Во меѓувреме, групата Г-7 и Европската унија преземаат дополнителни чекори за намалување на нивната зависност од руската енергија. Претставници на земјите од Г-7 ќе се сретнат во Јапонија подоцна оваа недела во обид да го спречат повторното отворање на рутите каде Русија го прекина снабдувањето, се вели во нацрт-изјавата до која дојде „Блумберг“.
ЕУ разговара за 11-ти пакет санкции, кој би можел да вклучи формална забрана на северниот крак на северниот нафтовод „Дружба“ од Русија, објави претходно „Блумберг“. За секоја забрана на ЕУ ќе биде потребна целосна поддршка од сите земји-членки.
Холандскиот гас, кој е репер во Европа денеска се тргуваше по цена од 32,25 евра за мегават-час што е намалување за 1,6 проценти, а намалување имаше и на цената кај еквивалетните договори во Велика Британија.
.webp){kind=icon}
