text size
Очекувањата за цената на нафтата изразена во евра, за 2023 и 2024 година се ревидирани надолу, при што сега се очекува поголем пад од претходно проектираниот во април, соопшти Народната банка во новиот извештај за макроекономските показатели.
„Ваквите движења во најголема мера се резултат на преовладувањето на загриженоста кај инвеститорите за помала побарувачка на нафта поради слабата економска активност, и покрај мерките на земјите од ОПЕК+ за дополнително намалување на производството на нафта“, велат од Народната банка.
Оттаму додаваат дека кај цените на металите ревизиите се надолни за целиот период на проекции, особено кај никелот.
Прочитај повеќе
И покрај загриженоста, нафтата ги дополнува загубите
Инвеститорите ги одмеруваат изгледите за монетарната политика и мешаниот извештај на индустријата за резервите на сурова нафта во САД.
28.06.2023
Цената на нафтата падна по најавите на Пауел
Шефот на американската централна банка Џером Пауел застана зад дополнително зголемување на каматните стапки.
22.06.2023
Нафтата поевтинува поради загриженоста за ефектите од кинеските мерки
Цената на референтната нафта брент повторно падна, откако во понеделникот загуби 0,7 отсто.
20.06.2023
„Имено, најновите проекции упатуваат на поголем пад на цените на бакарот и никелот во 2023 и 2024 година во однос на проекциите во април, што во најголема мера е резултат на очекувањата за намалена побарувачка за овие метали, главно од Кина“, информираат од НБМ.
Надолни корекции се извршени и кај цените на пченицата и пченката изразени во евра, особено за 2023 година, кога со најновите проекции се очекува позначителен пад на цените.
„Надолната корекцијата кај пченицата во најголем дел е резултат на очекувањата за намалена побарувачка за пченица од страна на Кина и ЕУ, додека кај пченката корекциите се резултат на очекувањата за поголемо глобално производство и повисоки залихи“, соопшти Народната банка.
.webp){kind=icon}
