Цените на европскиот природен гас паднаа поради знаците дека ќе се реши работниот спор во најголемиот австралиски капацитет за извоз на течен природен гас, намалувајќи ги стравувањата за еден од трите можни штрајкови во клучната земја извозник.
Референтните фјучерси паднаа за дури 21 отсто, најмногу од март 2022 година, во четвртокот. Цените на гасот беа екстремно нестабилни овој месец бидејќи трговците го чекаат исходот од преговорите што може да влијае на една десетина од глобалните резерви на ЛНГ. Во еден момент цените скокнаа и за 40 отсто како одговор на ризиците.
Синдикатите кои ги претставуваат работниците ја разгледуваат „силната понуда“ од работодавците по преговорите што траеја до средата навечер. Деталите за спогодбата ќе бидат објавени по состанокот со членовите на синдикатите во четврток, соопшти групата што ги претставува двата големи синдикати.
Прочитај повеќе
Се заканува скок на цената на гасот, клучните преговори се водат во Австралија
Разговорите меѓу најголемиот австралиски извозник на течен природен гас и неговите вработени започнаа во средата наутро.
23.08.2023
Ќе направи ли Австралија проблем со цената на гасот во Европа?
Цените на гасот во Европа повторно се нестабилни оваа недела.
10.08.2023
Цената на гасот повторно е ризик за економијата
Најавениот штрајк во Австралија ги зголеми цените на гасот.
17.08.2023
Ѕвонат ли повторно алармите за инфлацијата?
Цената на гасот минатата недела порасна за 30 отсто
13.08.2023
Европа, која сè уште се опоравува од најтешката енергетска криза што ги поттикна цените на рекордно ниво минатата година, беше многу реактивна на ризиците од прекини во снабдувањето. Дури и со големи залихи, на регионот му треба континуиран проток на ЛНГ од глобалните пазари. Секое продолжено затворање на австралиските капацитети, кои ја снабдуваат Азија, може да претставува ризик и да го оддалечи американскиот или катарскиот ЛНГ од европските пазари.
Со полни залихи многу пред почетокот на грејната сезона и пригушена индустриска побарувачка, Европа засега останува добро снабдена.
„Ќе треба да видиме што конечно ќе одлучат синдикатите на нивната денешна средба, но сите индикации во моментов изгледаат ветувачки дека ќе се избегне штрајк “, се вели во белешката на ИНГ (ING Groep NV) во четвртокот.
Дури и ако се постигне договор со „Вудсајд“, разговорите со работниците од два австралиски капацитети на „Шеврон“ сè уште траат. Ова става во опасност 24,5 милиони тони годишен капацитет, или околу пет отсто од глобалниот капацитет за втечнување.
Холандските предмесечни фјучерси, репер за гас во Европа, се тргуваа за 17 отсто пониски цени, по 30,48 евра за мегават-час во 8:20 часот во Амстердам.
.webp){kind=icon}