Нафтата се задржа по скокот во средата на знаците дека Израел ќе продолжи со својата копнена инвазија на Газа, што ја оживува загриженоста дека конфликтот може да ескалира и да го загрози снабдувањето со енергија.
Глобалниот репер брент се тргуваше близу 90 долари за барел, откако порасна за повеќе од два отсто во претходната сесија, додека ВТИ (West Texas Intermediate) се држеше над 85 долари. Израелскиот премиер Бенјамин Нетанјаху изјави дека неговата нација е во борба за самиот нејзин опстанок и дека инвазијата е неизбежна.
Забелешките повторно ја разгореа воената премија во фјучерсите на нафтата, која беше намалена во текот на изминатите неколку дена. Главните закани на Блискиот Исток, кој сочинува околу една третина од светската сурова нафта, ги вклучуваат американските потези да ги ограничат иранскиот извоз и пречки во транспортот.
Широко очекуваната копнена офанзива е одложена за да им се овозможи на САД да распоредат системи за противвоздушна одбрана во регионот. Во меѓувреме продолжија дипломатските напори за спречување поширока војна, при што францускиот претседател Емануел Макрон рече дека голема копнена операција би била грешка за време на посетата на регионот.
Bloomberg Mercury
„Веруваме дека цените на нафтата може да се зголемат бидејќи пазарите се приспособуваат на веројатноста за ескалација на конфликтот, при што ВТИ најверојатно ќе се тргува околу 90 долари за барел во блиска иднина“, рече Хан Жонг Лианг, инвестициски стратег во „Стандард“ (Standard Chartered Plc).
Надвор од Блискиот Исток, националните резерви на САД се зголемија за 1,37 милион барели минатата недела, покажуваат податоците на Управата за енергетски информации. Резервите во складиштето во Кушинг, Оклахома, се зголемија за 213.000 барели. Пазарите на сурова нафта низ светот исто така бележат пад на цените, бидејќи заработката од производството на горива, како што е бензинот,, паѓа пред зимската сезона.
Цени:
Брентот за декемвриско порамнување поевтини за 0,3 отсто, на 89,85 долари за барел, во 11.32 часот во Сингапур.
ВТИ за испорака во декември се повлече за 0,3 отсто, на 85,17 долари за барел.
.webp){kind=icon}
