Производството на енергија од ветер во Германија достигна рекордно високо ниво во четвртокот, бидејќи бурата што ја зафати Северна Европа го зголеми производството на електрична енергија низ целиот регион.
Производството од неколку илјади турбини во земјата достигна 50.869 мегавати во 8 часот по берлинско време, покажуваат податоците на Европската енергетска берза. Тоа го надмина претходниот максимум од 50.802 мегавати поставен во јануари. Производството во Обединетото Кралство и во нордиските земји исто така се зголеми.
Германската метеоролошка служба ДВД во четвртокот предупреди на опасни налети слични на урагани, особено на море и во планинските области. Брзината на ветерот може да достигне и до 100 километри на час, бидејќи системот со низок притисок наречен Пиа се движи јужно од Шведска и Данска.
Bloomberg
Енергијата на ветерот е главен извор на обновлива енергија во Германија, а потоа следува сончевата енергија. Според прелиминарните пресметки на Центарот за истражување соларна енергија и водород и Германското здружение за енергија и вода, уделот на зелените извори годинава изнесува повеќе од половина од националното производство на електрична енергија. Тоа е повеќе во споредба со 44-те проценти што беа остварени минатата година.
Во исто време, земјата се бори да изгради дополнителен капацитет поради предизвиците со кои се соочуваат инвеститорите, вклучувајќи ги и повисоките трошоци за задолжување и бавните процедури за издавање дозволи.
Метеоролошката канцеларија на Обединетото Кралство има жолти предупредувања за силен ветер в четврток. Производството на енергија од турбините покри повеќе од 55 отсто од вкупната побарувачка на електрична енергија во земјата рано во четвртокот, според податоците од мрежата.
Германското производство ќе се зголеми уште повеќе в четврток, потенцијално достигнувајќи 58.595 мегавати во 17 часот по локално време, според моделот на „Блумберг“.
.webp){kind=icon}
Во моментов нема коментари за веста. Биди прв да коментира...