Бензините ќе поевтинат за денар и половина, а дизелот и натаму ќе се продава по истата цена, изјави утрово за Bloomberg Adria ТV, претседателот на Регулаторната комисија за енергетина (РКЕ), Марко Бислимовски.
Тој вели дека новите цени кои ќе важат од полноќ ќе беа пониски ако растот на доларот во однос на денарот не забрзаше.
„Минатата недела имаше тренд на намалување на цената на нафтата, но забрза растот на доларот во однос на денарот и затоа нема да има поголемо намалување“, изјави Бислимовски.
Тој вели дека Регулаторната комисија е подготвена на средба со бизнис заедницата, на нивно барање, за да разговараат за претстојните предизвици. Во правец на олеснување на нивното делување, РКЕ од минатата недела ја укина мрежарината (надоместоткот за користење на дистрибутивната мрежа) за сите кои ќе постават фотоволтаици.
.webp){kind=icon}
