Цените на нафтата пораснаа втор ден по ред поради тензиите на Блискиот Исток, при што Израел го отфрли предлогот за прекин на огнот во Појасот Газа, во услови на зголемен оптимизам на финансиските пазари.
Глобалниот репер брент се приближи до 84 долари за барел по поскапувањето за 0,5 отсто во понеделникот, додека ВТИ беше близу 79 долари. Израелскиот воен кабинет едногласно го отфрли предлогот за примирје. Израел вети дека ќе продолжи со воените операции во Рафах.
Напредокот на цената на нафтата доаѓа откако во вторникот продолжија да растат азиските акции поради оптимизмот дека Федералните резерви ќе почнат да ги намалуваат каматните стапки годинава. Пониските трошоци за задолжување во САД треба позитивно да влијаат на побарувачката на енергија.
Цените на нафтата закрепнуваат откако го забележаа најголемиот неделен пад од февруари. Цените сè уште се повисоки отколку во почетокот на годината бидејќи намалувањето на производството на ОПЕК+ го затегна пазарот. И покрај тоа што се очекува картелот да ги задржи тесните резерви, изгледите за побарувачката се нејасни, со знаци на слабост на дизелот.
ICE, MSCI
„Геополитиката повторно ја поттикнува трговијата со нафта по минатонеделниот пад“, рече Чару Чанана, аналитичар во „Сахо капитал маркетс“ (Saxo Capital Markets) во Сингапур. „Сè уште се очекува изгледите за побарувачката да бидат поддржани од очекувањата за намалување на каматните стапки на Федералните резерви“.
Агенцијата за информации за енергија треба да го објави својот краткорочен извештај за енергетските изгледи подоцна во вторник, обезбедувајќи индиции за изгледите, вклучувајќи го и темпото на раст на понудата во САД. Дополнителни коментари може да дојдат од нафтените гиганти БП (BP Plc) и компанијата „Армако“ од Саудиска Арабија, бидејќи издаваат квартални извештаи.
Цени:
Брент за испорака во јули поскапе за 0,3 отсто, на 83,55 долари за барел, во 11.53 часот во Сингапур.
ВТИ за испорака во јуни се зголеми за 0,3 отсто, на 78,70 долари за барел.
.webp){kind=icon}
