Бакарот се искачи на највисокото ниво досега, продолжувајќи го силното повеќемесечно зголемување на цената, која е поттикната од инвеститорите на финансискиот пазар во очекување на продлабочување на недостигот од понуда.
Фјучерсите на Лондонската берза за метали скокнаа за повеќе од четири отсто во понеделникот, надминувајќи за првпат 11.000 долари за тон бакар. Потсетуваме, на 14 мај бакарот во еден момент вредеше 10.205 долари и тоа важеше за највисока цена во последните две години.
Генерално, пазарот реагираше на оптимистичките прогнози, додека „БХП груп“ сака да го купи конкурентот „Англоамерикан“, главно за рудниците за бакар.
Всушност, неколку настани во 2024 година му дадоа на металот опасен ветер во грбот и привлекоа растечки проток на шпекулативни пари (за да се искористи можноста за инвестирање). Истовремено слабите резерви на бакарна руда поттикнаа разговори за намалување на производството во топилницата, додека краткорочниот притисок на пазарот на фјучерси во Њујорк месецов предизвика глобално лудило да се обезбедат резерви на метал што е можно поскоро.
„Тоа ги подигна цените на друго ниво и многу е тешко во ова опкружување да се каже дека е достигнат врвот“, рече Крег Ланг, главен аналитичар на истражувачката група „Гру“, телефонски од Сингапур. Според него, пазарите на стоки имаат тенденција да го надминат тоа ниво.
Инвеститорите, трговците и менаџерите од областа на рударството со години предупредуваат дека светот се соочува со критичен недостиг од бакар, поради зголемената побарувачка во т.н. зелени индустрии - од електрични возила до инфраструктура за обновливи извори на енергија.
Ветеранот за стоки Џеф Кари минатата недела изјави дека бакарот е најдобрата долга трговија што некогаш ја видел. На Лондонската берза за метали бакарот поскапе за три отсто (10.992,50 долари за тон), заклучно со понеделникот, во 12.04 часот по шангајско време.
Bloomberg Mercury
Цените се зголемија за повеќе од 25 отсто од почетокот на годината, што доведе до вкупните добивки што ги постигнаа главните индустриски метали. Златото исто така се искачи на рекордно високо ниво, заедно со бакарот, при што и двата метала добија опасен ветер во грбот од најавата на Фед дека ќе започне со намалување на каматните стапки годинава.
Серијата исклучувања на големите рудници ги поттикнува стравувањата дека долгоочекуваниот недостиг во производството ќе дојде порано од очекуваното. Индикаторот за затегнатост на пазарот на руда падна под нулата во април, а краткорочниот притисок на берзата Комекс во Њујорк ги доведе цените таму до премија без преседан. Тоа предизвика брзање да се пренасочат резервите на метал во САД, што значи дека помалку бакар е достапен на друго место.
.webp){kind=icon}
