Кина купи помалку злато во април поради рекордните цени

Увозот на злато во Кина падна во последниот месец бидејќи рекордните цени успеаја да ја урнат побарувачката од најголемиот светски купувач на благородниот метал.

Кина во април купила 136 тони злато од странство, што е за 30 отсто помалку од март и најмало количество годинава, покажуваат податоците на царината.

Додека цените на златото се исто така под влијание на каматните стапки во САД, неодамнешниот скок на златото во голема мера е резултат на силната побарувачка во Кина, каде што можностите за инвестирање се помали отколку во другите земји. Додека домаќинствата и инвеститорите се борат со станбената криза, нестабилните пазари на акции и слабеењето на јуанот, парите се влеаја во средствата што инвеститорите ги сметаа за побезбедни, туркајќи ја цената на златото до рекордни височини.

Централната банка исто така купува злато со стабилно темпо, при што резервите се зголемуваат 18 последователни месеци во обид да се заштити слабеењето на валутата. Од друга страна, во април централната банка купи помалку од претходните месеци.

Bloomberg

„Падот на увозот може да ги натера инвеститорите во злато да стават прст на чело. Иако побарувачката во Кина најверојатно ќе остане силна годинава, таа треба да се стабилизира и да почне да опаѓа“, рече Сони Кумари, стратег за стоки во „АНЗ груп“.

Атрактивноста на металот се намалува и поради предупредувањата од кинеските власти дека има премногу шпекулативно тргување. Во обид да го намали бројот на вакви позиции во злато, Шангајската берза за злато денеска повторно ја зголеми потребната маржа на некои договори.

Во моментов нема коментари за веста. Биди прв да коментира...

Остави коментар