text size
Кинеската централна банка во јуни купи повеќе злато, продолжувајќи ја најдолгата серија купувања најмалку од 2015 година и потврдувајќи ја својата посветеност на диверзификацијата на девизните резерви и покрај нестабилноста на цените на златото.
Златните резерви на „Народната банка на Кина“ (People’s Bank of China, PBOC) во јуни се зголемиле за 480.000 унци, на вкупно 75,44 милиони унци, покажуваат податоците објавени во вторник. Тоа е најголемата месечна набавка од октомври 2023 година и ја продолжува серијата купувања на 20 последователни месеци.
Цената на златото во јуни падна за 12 отсто, спуштајќи се под 4.000 долари за унца и забележувајќи го најголемиот месечен пад од 2008 година. Зголемените инфлаторни ризици како последица на војната со Иран, како и поцврстиот тон на „Фед“, ги зголемија очекувањата за ново зголемување на каматните стапки, што негативно влијае врз златото, бидејќи не носи принос. Големите банки, меѓу кои „Голдман Сакс“ (Goldman Sachs Group Inc.) и „Дојче банк“ (Deutsche Bank AG), ги намалија своите прогнози за цената на златото до крајот на годината.
Сепак, изгледите и натаму се поддржани од купувањата на злато од централните банки. Најновата анкета на Светскиот совет за злато од јуни покажува дека повеќе централни банки од кога било очекуваат да ги зголемат своите златни резерви во текот на следната година.
.webp){kind=icon}
