„Хуаан Јифу Голд ЕТФ“ (Huaan Yifu Gold ETF) сега има пазарна капитализација од 90 милијарди јуани (13 милијарди долари), со што ги надмина 83 милијарди јуани на ЦСИ 300 ЕТФ, кој некогаш беше еден од омилените фондови на таканаречениот кинески „национален тим“.
На својот врв, вредноста на ЦСИ 300 ЕТФ достигна околу 440 милијарди јуани, откако „Сентрал Хуиџин“ (Central Huijin Investment Ltd.), подружница на кинескиот суверен инвестициски фонд, и други субјекти почнаа да вложуваат средства во него од 2024 година за да го стабилизираат пазарот на акции.
Годинава кинескиот „национален тим“ ги намалува своите удели во некои од најголемите ЕТФ-фондови во земјата, што укажува на обид да се намали прегреаноста на пазарот. Намалената поддршка можеби придонесе и за послабиот раст на индексот CSI 300, кој годинава порасна за 4,9 отсто, заостанувајќи зад растот од 21 отсто на индексот MSCI Asia Pacific, иако технолошките индекси, како што е Star 50, достигнаа рекордни нивоа.
Фондот што инвестира во спот-злато го презеде водството од референтниот акциски фонд
Bloomberg
Ниту ЕТФ што инвестира во спот-злато не остана имун на пазарните осцилации. Неговата вредност се намали од рекордните 136 милијарди јуани, бидејќи годинава цените на златото се намалија, а инвеститорите повлекуваа средства од фондот. Мало закрепнување во последните два дена беше доволно повторно да го издигне над „Хуатај-Пајнбриџ“ ЕТФ, кој и натаму бележеше одлив на околу 18,5 милијарди јуани минатата недела, што е меѓу најголемите во Азија.
Промената на редоследот меѓу најголемите кинески ЕТФ-фондови покажува каде инвеститорите ги насочуваат своите средства додека државната поддршка за пазарот постепено се намалува.Трет и четврти по големина ЕТФ во земјата сега се „ХТФ ЦСИ ЕТФ“ (HFT CSI Short Term Note ETF) и „Хвабао ВП Кеш“ (Hwabao WP Cash Tianyi Traded Money Market ETF).
Нивниот подем ја нагласува силната побарувачка за одбранбени вложувања, како што се производите со фиксен принос и фондовите за управување со готовина. И покрај растот на кинеските акции годинава, добивките се концентрирани кај мала група компании поврзани со хардвер за вештачка интелигенција, додека економската неизвесност и понатаму тежи врз поширокиот пазар.
.webp){kind=icon}
