Состојбата на средствата врз основа на портфолио-инвестиции (вложувања на резиденти во странски хартии од вредност) на 31.12.2025 година изнесува 1,51 милијарда евра, од кои 1,12 милијарда евра се вложувања во сопственички, додека 386,4 милиони евра во должнички хартии од вредност, покажуваат новите податоци на Народната банка.
Анализирано по земји, најголеми портфолио-инвестиции има во Соединетите Американски Држави, во износ од 911,8 милиони евра, Ирска во износ од 125,1 милиони евра и Германија во износ од 109,8 милиони евра. Од аспект на оригиналната валута на вложување, најголем дел портфолио-инвестиции се направени во американски долари и во евра.
На крајот од 2025 година, анализирано од аспект на секторот на домашниот инвеститор, осигурителните друштва и пензиските фондови имаат доминантно учество, со состојба на портфолио-инвестиции во износ од 981,1 милион евра, што претставува 64,7 проценти од вкупните портфолио-инвестиции.
Прочитај повеќе
Каде најмногу љубат Македонците да ги вложат своите пари, а да не е тоа стан?
Во банките чуваат над 10 милијарди евра, а во приватни пензиски фондови 125 пати помалку.
16.04.2026
Ќе може ли од Македонија да станете дел од мега ИПО-то на Маск и зошто не?
Проверивме колку е изводливо обичен инвеститор од Македонија да купи акции од „Спејс екс“ пред да излезе на берза.
14.04.2026
Кои се акциите со најдобри перформанси во Македонија и регионот?
Словенечкиот индекс SBITOP има убедливо најдобар резултат во регионот од почетокот на годината, а тоа се должи на одличните перформанси на повеќето акциите што се дел од индексот.
14.04.2026
Според секторот на нерезидентниот издавач, доминантно учество имаат вложувањата во хартии од вредност издадени од другите финансиски институции (освен осигурителни друштва и пензиски фондови и фондови на пазар на пари), во износ од 823,9 милиони евра.
Незгоден почеток на 2026 година
„Блумберг Адрија“ неодамна пишуваше дека геополитичките превирања што беа предизвикани од нападот на САД и Израел врз Иран и, следствено, огромниот раст на цената на нафтата и природниот гас донесоа нестабилност на меѓународните пазари на капитал и пад на главните светски берзански индекси. Тоа го почувствуваа и македонските инвестициски фондови, кои по одличните резултати во минатата година имаа релативно лош прв квартал во 2026 година.
Првиот квартал генерално не е добар за сите типови на фондови – акциски, обврзнички, парични или балансирани – но најлоши резултати, особено последниов месец, имаат акциските фондови. Сепак, ваквите краткорочни трендови треба да се земат со резерва и не значат ништо ако се знае дека едно од основните правила при инвестирање на пазарите на капитал е дека добиваат играчите што инвестираат на долг рок.
Либерализација на пензиското осигурување
Извесно е дека во иднина ќе се зголемуваат вложувањата на македонските резиденти во странски хартии од вредност, а една од причините за тоа е најавената либерализација на задолжителното пензиско осигурување. Како што веќе објавивме, Владата подготвува предлог-закон за изменување и дополнување на Законот за задолжително капитално финансирано пензиско осигурување, со кој се превидува воспоставување три вида портфолија во рамките на задолжителните пензиски фондови: растечко, балансирано и конзервативно портфолио. Станува збор за посебни делови на задолжителниот пензиски фонд односно таканаречени мултифондови, кои се разликуваат во согласност со нивото на инвестициски ризик и структурата на вложувања.
Истовремено. Владата подготвува измени и дополнувањата на Законот за доброволно капитално финансирано пензиско осигурување со кои се воведуваат различни инвестициски портфолија во доброволните пензиски фондови во зависност од животниот циклус на членовите.
Друштвата што управуваат со пензиските фондови ќе имаат слобода за имплементирање различни инвестициски стратегии и поголем избор за вложување во странски хартии од вредност.
.webp){kind=icon}
