Цената на бакарот продолжи да паѓа четврта недела по ред, откако кинеските податоци покажаа дека оваа економија, која вообичаено е најголемиот пазар за бакар, упорно покажува знаци на слабост.
Цените на бакарот паднаа за 1,1 отсто, на 9.631 долар за тон, на лондонската берза на метали, што е најниска вредност во последните два месеца. Втората по големина светска економија во понеделникот објави податоци што ја зголемија загриженоста за разочарувачкото закрепнување на побарувачката. Иако продажбата на мало беше посилна во мај, растот на индустриското производство и инвестициите во основни средства забавија, а падот во секторот на недвижности се продлабочи.
Bloomberg
Владата на претседателот Шји Џјинпинг воведе различни мерки за секторот на недвижности, но податоците објавени во понеделникот поттикнаа повици за посилна акција. Во мај се забрза падот на инвестициите во недвижности и на цените на становите.
„Кинескиот сектор за недвижности продолжува да слабее и покрај низата политики за олеснување“, рече Ванга Јингјинга, аналитичарка во „Галакси фјучерс“. „Луѓето се многу песимисти за пазарот на недвижности“.
Цената на бакарот минатиот месец достигна рекордно високо ниво над 11.000 долари, но брзо падна поради загриженоста за растот на глобалните резерви и знаците на слабост во Кина. Цените на другите метали исто така беа под притисок минатата недела поради Федералните резерви.
Вредноста на алуминиумот падна дури за 1,2 отсто, достигнувајќи го најниското ниво во последните два месеца, под 2.500 долари за тон, откако податоците покажаа дека кинеското производство на метал достигна рекорд минатиот месец бидејќи топилниците ги рестартираа неактивните капацитети. Обилните дождови ги зголемија хидроенергетските резерви на провинцијата Јунан и им овозможија на топилниците да продолжат со работа откако сушата во претходните години го исцрпи нивното снабдување со електрична енергија.
„Иако Кина води во растот на производството, таа е блиску до максималниот капацитет“, велат аналитичарите на Банката на Америка предводени од Мајкл Видмер, додавајќи дека топилниците се блиску до владината производствена граница.
.webp){kind=icon}
