Цената на нафтата порасна, прекинувајќи ја низата загуби, откако индустрискиот извештај покажа дека резервите од сурова нафта во САД се намалуваат четврта недела едноподруго.
Брентот скокна над 81 долар за барел откако загуби речиси пет отсто во текот во претходните три сесии, додека вест тексас интермедиејт (ВТИ) е близу 77 долари. Американскиот институт за нафта (АПИ) објави дека резервите се намалени за 3,86 милиони барели, при што исто така е забележан пад и во главниот центар во Кушинг, Оклахома.
Bloomberg Mercury
Доколку в среда во текот на денот се потврдат официјалните податоци, четвртиот пад ќе биде најдолг во низа од септември. Додека резервите обично се намалуваат во третиот квартал, моменталните резерви се под петгодишниот сезонски просек.
Неодамнешниот пад на цената на нафтата доаѓа во услови на загриженост поради послабата побарувачка во Кина, најголемиот увозник на нафта во светот, при што алгоритамските трговци вршат притисок врз цената. Сепак, фјучерсите остануваат повисоки отколку во почетокот на годината бидејќи ОПЕК продолжува да го намалува производството, а бројот на „Блумберг“ за руските текови покажа дека извозот паднал на најниско ниво од декември.
Од друга страна, серијата шумски пожари низ канадските нафтени полиња загрозија речиси 10 отсто од производството на нафта во овој регион. Само во Алберта дојде до 170 пожари, од кои повеќе од 50 не се под контрола.
„Досегашното повлекување го отстрани зголемувањето на цените што се случи за време на растот во јуни и првата недела од јули“, рече Вандана Хари, основачка на „Ванда инсајтс“ (Vanda Insights) од Сингапур, додавајќи дека очекува цената на нафтата наскоро да падне. „Пазарот го намали оптимизмот во врска со летниот скок за побарувачка на нафта“.
Цени:
• Брентот за испорака во септември поскапе за 0,5 отсто, на 81,40 долар за барел, во 11:23 часот во Сингапур.
• ВТИ за испорака во септември скокна за 0,5 отсто, на 77,34 долари за барел.
.webp){kind=icon}
