Паѓа цената и на гасот, клучен ризик побарувачката

Цените на европскиот природен гас паднаа, по падот на цената на нафтата и на индексите на финансиските пазари, а во услови на зголемена економска загриженост.

Референтните фјучерси во понеделникот се лизнаа за 4,5 отсто, откако минатата недела се зголемија за 13 проценти. Глобалните берзи паднаа поради знаците дека американската економија е на работ на брзо влошување, при што падот исто така ги притиска нафтените договори.

Во исто време, трговците внимаваат на потенцијален одмазднички напад врз Израел од страна на Иран, што ризикува да го прекине снабдувањето со гас во и од регионот.

Додека развојот на настаните на Блискиот Исток придонесува за премијата за геополитичкиот ризик, „која сега малку страда поради загриженоста за побарувачката за сурова нафта“, рече Оле Хансен, шеф на стратегија за стоки во „Саксо банк“ (Saxo Bank A/S).

Bloomberg Mercury

Гасот „во основа со ова поевтинување го враќа најголемиот дел од скокот што се случи доцна во петокот, дел од тоа е предизвикано од фактот дека немавме напад во текот на викендот, иако сè уште се стравува од неизбежен напад врз Израел“, рече тој.

Во меѓувреме, во Русија - вториот по големина снабдувач на течен природен гас во Европа - се појавуваат знаци дека нејзиниот проект Арктик ЛНГ-2, санкциониран од САД, почнува да товари гориво. Голем брод се закотви во централата минатата недела, покажаа сателитските снимки, додека транспондерот на бродот покажува дека неговата локација е на друго место, вообичаена карактеристика на бродовите од темната флота.

Холандските предмесечни фјучерси, репер за гас во Европа, паднаа за 3,8 отсто, на 35,24 евра за мегават-час до 11:08 часот во Амстердам. Референтните европски фјучерси за јаглерод за декември паднаа дури за 3,9 отсто на ICE Endex, што е најголем пад од 13 мај.

Во моментов нема коментари за веста. Биди прв да коментира...

Остави коментар