Цената на златото продолжува да урива рекорди

Златото достигна рекордна вредност во пресрет на американските податоци што може да понудат индиции за тоа дали минатонеделното намалување на стапката од страна на Федералните резерви (Фед) од 50 базични поени ќе биде првото во серијата агресивни намалувања.

Златото поскапе дури за 0,4 проценти и достигна цена од 2.631,13 долари за унца, надминувајќи го претходниот историски максимум што го постигна во петокот. Трговците ги одмеруваат изгледите за стапките пред да почне објавата на серија клучни економски податоци во текот на неделава, вклучувајќи ги индексот за лична потрошувачка на САД и барањата за невработени.

Гувернерот на Фед, Кристофер Валер, во петокот рече дека најверојатно ќе поддржи намалување за 25 базични поени и на двата состанока на централната банка, во ноември и декември, доколку економијата се развива како што тој очекува. Сепак, тој напомена дека може да дојде до уште едно намалување за половина процент ако се случи да ослабне пазарот на трудот.

„Биковскиот замав е непобитен, но во блиска иднина би можел да бидам попретпазлив“, изјави Кристофер Вонг, стратег во „Оверси“ (Oversea-Chinese Banking Corp.), додавајќи дека златото може да се одржи на ниво од околу 2.580 долари за унца.

Златото, како прибежиште, добива поддршка од зголемената побарувачка бидејќи трговците ја следат ескалацијата на тензиите на Блискиот Исток, што доведува до загриженост дека борбите меѓу Хезболах и Израел би можеле да се прошират во поширок регионален конфликт.

Конкретно, утрово на азиските берзи цената на златото се зголеми за 0,3 проценти, на 2.629,14 долари за унца, што претставува продолжување на позитивниот тренд од минатата недела, кога на неделно ниво порасна за 1,7 отсто. Цените на среброто, паладиумот и платината паднаа.

Во моментов нема коментари за веста. Биди прв да коментира...

Остави коментар