Цената на нафтата порасна откако кинеските власти лансираа план за брза поддршка за економијата, а големиот израелски напад врз цели на Хезболах во Либан ги зголеми тензиите на Блискиот Исток.
Суровата нафта брент се искачи над 74 долари за барел по вчерашниот пад од 0,8 отсто, а ВТИ (WTI-West Texas Intermediate) се тргува по цена од близу 71 долар. Гувернерот на Народната банка на Кина, Пан Гонгшенг, објави низа стимулативни мерки бидејќи креаторите на политиката го презедоа најголемиот чекор досега за да ја постигнат годишната цел за раст од околу пет проценти.
Движење на цената на ВТИ и на брент
Bloomberg Mercury
Загриженоста поради растот на кинеската економија и изгледите за зголемување на резервите од страна на Организацијата на земји извознички на нафта и нивните сојузници (ОПЕК +), како комбинирани фактори, ги поткопаа цените на нафтата, кои досега во овој квартал се намалија за околу 14 проценти. Мерките објавени денеска, кои вклучуваат зајакнување на кредитирањето на банките за потрошувачите и корпорациите и намалување на клучната краткорочна каматна стапка, би можеле да го поддржат растот и да ја зголемат побарувачката на енергија кај најголемиот светски увозник на нафта.
Прочитај повеќе
Кина најави стимулативен пакет за заживување на економијата
Кинеската централна банка откри широк пакет мерки за монетарни стимулации за заживување на втората по големина економија во светот.
24.09.2024
„Тоа би било позитивно за кинеската побарувачка. Отсега клучно ќе биде прелевањето на пониските каматни стапки врз реалната економија“, рече Хан Жонг Лианг, инвестициски стратег од „Стандард чартерд“ (Standard Chartered Plc) во Сингапур.
На Блискиот Исток, пак, Израел нападна повеќе цели низ јужен Либан, убивајќи речиси 500 луѓе во најсмртоносниот ден на напади од почетокот на неговата војна со Хезболах во 2006 година. Иран, земјата што ја поддржува организацијата, претходно изјави дека е подготвена за деескалација на тензиите.
.webp){kind=icon}
