text size
Инфлацијата не го одминува ниту производството на земјоделски производи. Државниот завод за статистика пресмета дека индексите на цените на инпутот во земјоделството во месец јули, споредено со истиот месец лани, бележат раст од 21,9 проценти, додека во истиот период индексите на цените на аутпутот се повисоки за 10,7 отсто.
Кај аутпутот, најголемо покачување има кај компирите, за дури 39,8 проценти, цените на житата и оризот се зголемиле за 30,5 отсто, а производите од животинско потекло поскапеле за 17 проценти.
Кога станува збор за инпутот, најголемо поскапување е регистрирано кај минералните ѓубрива, од дури 60,7 проценти за период од една година. Значајно поскапување има и кај ставката енергија, мазива и горива, од дури 39,8 проценти. Следуваат ставката згради, чие зголемување е 20,9 отсто, машини и опрема каде растот е 11,6 проценти, како и ставката одржување на опремата и зградите, чие зголемување е 9,5 проценти на годишно ниво.
За разлика од инпутот, каде буквално сите ставки бележат раст на цените, кај аутпутот во земјоделството има одредени производи чии цени во јули годинава, споредено со истиот месец лани, бележат намалување. Такви се овошјето и грозјето, чии цени регистрираат пад од 3,9 проценти, како и добиточните растенија, чии цени се намалиле за половина процент.
.webp){kind=icon}
