Водостојот на германската река Рајна на клучната точка за мерење, според прогнозите викендов ќе порасне над критичното ниво и ќе донесе малку олеснување за бродарите кои ги пренесуваат виталните суровини кон внатрешноста на Европа.
Мерната точка кај Кауб, место на запад од Франфурт, ќе достигне 41 сантиметар во сабота наутро, а рано во недела ќе порасне до 49 сантиметри, покажуваат податоците на германската влада. Кога нивото на водата паѓа под 40 сантиметри пловењето на суровините по реката станува неекономично затоа што плитките води го ограничуваат количеството стока што може да се пренесува.
Нивото над 40 сантиметри кај Кауб не значи дека товарот може да плови неограничено – и натаму ќе има рестрикции за тоа колку товар може да се понесе. Денеска, на мерната точка на ова место измерени се 34 сантиметри.
Прочитај повеќе
Реката Рајна е на граница да стане непловна
Реката е клучна за транспорт на јаглен во време кога Европа веќе се бори со енергетска криза.
03.08.2022
Сушата открива изгубени села, антички урнатини и бродоломи
Сушите открија и некои чудни и мрачни работи за нашето минато
14.08.2022
Bloomberg
Рајна се користи за превоз на милиони тони гориво и други стоки низ внатрешноста на Европа. Водостојот не е вистинската длабочина на реката, туку мерка која овозможува пловидба.
Германската влада сега ги забрзува долгогодишните напори за продлабочување на Рајна на стратешките точки, рече министерот за транспорт, Фолкер Висинг во интервју за ТВ АРД. Истовремено, повеќе се инвестира во патната и железничката мрежа, додава тој.
.webp){kind=icon}
Во моментов нема коментари за веста. Биди прв да коментира...