Гаспром повторно ќе го затвори Северен Тек

На крајот на август, на три дена ќе бидат стопирани испорките преку гасоводот Северен Тек кон Европа заради тековно одржување на постројката, инфомираа од Гаспром.

Снабдувањето со гас ќе запре на 31 август и ќе трае до 02 септември затоа што единствената турбина која работи на компресорската станица во Портоваја треба да помине низ „сложена постапка за рутинско одржување“, се наведува во соопштението од компанијата.

Европските термински договори пораснаа за 9 отсто по оваа објава која и натаму ги држи во неизвесност инвеститорите и ја поттикнува загриженоста околу натамошните постапки на Русија врзани за тој гасовод кој во моментов работи со 20 отсто капацитет.

Цените на гасот оваа недела растеа најмногу во текот на цела година, што само го зголемува притисокот врз индустријата и домаќинствата и ја засилува заканата дека економиите одат кон рецесија.

Одржувањето ќе биде доверено на експертите од Сименс согласно договорот, се истакнува во соопштението. Гаспром има договор со оваа компанија која е произвдител на турбините кои кои испумпуваат гасот од Северен тек.

„По завршувањето на работите и во случај да нема некакви технички проблеми, снабдувањето со гасот ќе продолжи, и дневно ќе бидат испорачувани по 33 милиони кубни метри“, напишаа од Гаспром.

Тоа значи дека испораките и натаму ќе бидат со капацитет од 20 отсто. Гасоводот има вкупен капацитет од 167 милиони метри кубни дневно.

Руската компресорска станица Портоваја е почетна точка на гасовотот и е направена за да ја движат шест главни и две помали турбини. И додека една турбина е заглавена во Германија по враќањето од одржување во Канада, другите кои се уште се во Русија треба да заминат на вообичаеното одржување во Канада или тим експерти треба да дојде и да ја сработи работата во Русија.

 

Во моментов нема коментари за веста. Биди прв да коментира...

Остави коментар