Вредноста на златото порасна, враќајќи се повторно во ценовната зона од над 2.900 долари за унца, бидејќи се намали влијанието од глобалната распродажба што го потресе Волстрит иако инвеститорите останаа загрижени за изгледите за американската економија.
Златните прачки се покачија по малиот пад во понеделникот, кога сигналите на претседателот Доналд Трамп дека најпрво би можела да настрада економијата додека тој ја преобликува трговската политика со царини поттикнаа загриженост за потенцијална рецесија. Благородниот метал, кој важи за традиционално прибежиште во несигурни инвеститорски времиња, може да се соочи со продажен притисок во услови на ненадејни пазарни распродажби.
Bloomberg
Прочитај повеќе
Како влијае Трамп на пазарите на капитал во 2025 година?
Цените на златото и среброто имаа многу успешна 2024 година (+27 проценти и +22 отсто, соодветно), а во 2025 година трендот забрза.
02.03.2025
Голем пад на акциите на „Тесла“ поради намалените процени за продажба
Акциите на „Тесла“ (Tesla Inc.) паднаа, поставувајќи го вчерашното тргување како свој најлош ден во повеќе од четири години.
11.03.2025
Златото годинава напредуваше за 11 проценти, поставувајќи неколку последователни рекорди. Растот беше поттикнат од стравувањата за нарушувањето предизвикано од администрацијата на Трамп, купувањето од централната банка и шпекулациите дека Федералните резерви (Фед) може дополнително да ги намалат каматните стапки. Пониските трошоци за задолжување обично го погодуваат златото, кое не дава дополнителен принос.
Иако растот на цената на златото ја намали побарувачката за него во некои од водечките азиски економии, тоа е придружено со стабилни инвестициски текови во фондовите со кои се тргува на берзите поддржани со злато. Според извештајот на „Блумберг“, тие минатата недела го достигнаа највисокото ниво од декември 2023 година.
„Златото е без цврста физичка пазарна основа поради слабата побарувачка во Индија и во Кина“, наведува во белешка аналитичарката на „Стандард чартерд“ (Standard Chartered Plc), Суки Купер. Сепак, се очекува цените да достигнат нови највисоки нивоа годинава, со посилни текови во ЕТФ-ови, кои се потребни за да се надомести падот на физичката побарувачка, рече таа.
GOLDS:COM
GOLD SPOT $/OZ
2.901,88 USD
+13,173 +0,46%
почетна цена
2.888,71
претходна цена на затворање
2.888,71
промена од почетокот на годината
10,574966660316%
дневен опсег
2.880,46 - 2.903,61
опсег на 52 недели
2.146,15 - 2.956,19
Утрово на берзата во Лондон златото поскапе за 0,4 проценти, искачувајќи се на 2.900,78 долари за унца. Индексот на Bloomberg Dollar Spot се намали за 0,2 отсто. Среброто и паладиумот се искачија повисоко, додека платината се промени малку.
.webp){kind=icon}
Во моментов нема коментари за веста. Биди прв да коментира...