text size
Акциите на „Тесла“ (Tesla Inc.) паднаа, поставувајќи го вчерашното тргување како свој најлош ден во повеќе од четири години. Со тоа продолжи падот на вредноста на акциите на оваа компанија во 2025 година поради зголемената загриженост на Волстрит за побарувачката за електричните автомобили.
Акциите вчера паднаа за 15 проценти откако Џозеф Спак од УБС (UBS Group AG) ги намали проекциите за испорака, како за првиот квартал така и за целата година. Аналитичарот на „Роберт Берд“ (Robert W. Baird & Co.), Бен Кало, на сличен начин ги намали своите процени за испораките на „Тесла“ неколку дена претходно, на 6 март.
Спак предвидува дека „Тесла“ ќе предаде само 367.000 возила во овој квартал, што е намалување за 16 проценти од неговата претходна процена. Тој исто така сега не очекува компанијата во 2025 година да продаде повеќе возила од лани, проектирајќи годишен пад од околу пет отсто. Во просек, аналитичарите анкетирани од „Блумберг“ очекуваат годишно зголемување од приближно 10 проценти, а директорите на „Тесла“ рекоа дека компанијата ќе го врати растот во 2025 година.
Прочитај повеќе
Илон дал, Илон зел: Дали акробациите на Маск ќе го пукнат балонот на „Тесла“?
Акциите на „Тесла“ потонаа од 480 долари во декември на околу 330 долари денеска, а падот на нивната вредност може да продолжи.
14.02.2025
„Тесла“ и БМВ ја тужат ЕУ поради тарифите за електричните возила произведени во Кина
ЕУ наметна тарифи против субвенционирање од 7,8 проценти за „Тесла“, покрај давачката од 10 проценти. Увозот на БМВ беше погоден со царина од 20,7 проценти.
27.01.2025
САД го обвинуваат Маск дека измамил акционери на Твитер за 150 милиони
Илон Маск ги измамил акционерите на Твитер со тоа што доцна го открил својот растечки удел во компанијата, додека подготвувал понуда за преземање.
15.01.2025
„Иако очекуваме да помогне освежувањето на ‘модел ипсилон’ (Model Y), веруваме дека нарачките се малку придушени“, напиша Спак во извештајот до клиентите. Тој ја цитираше веб-страницата на „Тесла“ во Кина, каде што пишува дека клиентите треба да чекаат само од две до четири недели за испорака на новиот теренец (SUV).
Покрај нарушувањата поврзани со промената на дизајнот на неговиот најважен модел, ударот против главниот извршен директор Илон Маск во почетокот на годинава е на штета на положбата на „Тесла“ на некои од најголемите светски пазари за електрични возила. Во Германија, на пример, регистрациите опаднаа за 70 проценти во првите два месеци од годината бидејќи Маск даде важност и се замеша во федералните избори во земјата.
Во Кина, најголемиот светски пазар за електрични возила, „Тесла“ е меѓу производителите што се борат да бидат во чекор со домашниот шампион БЈД (BYD Co). Испораките на возила од фабриката на Маск во Шангај паднаа дури за 49 проценти во февруари, на само 30.688 возила, што е најниска месечна бројка од јули 2022 година.
Падот на акциите на „Тесла“ вчера беше најголемиот еднодневен пад од септември 2020 година. Вредноста на акцијата е намалена вкупно за 45 проценти во 2025 година и ги загуби сите свои придобивки откако Доналд Трамп победи на претседателските избори во САД во ноември.
.webp){kind=icon}
