Илон Маск ги измамил акционерите на Твитер за повеќе од 150 милиони долари со тоа што доцна го открил својот растечки удел во компанијата, додека подготвувал понуда за преземање, тврди американската Комисија за хартии од вредност (Securities and Exchange Commission - SEC) во тужба поднесена неколку дена пред администрацијата на Доналд Трамп да ја преземе власта во САД.
Она на што се жали државната агенција - а што адвокатот на Маск веднаш го оспори - е дека милијардерот наводно не пријавил веднаш дека собрал повеќе од пет проценти од акциите на таа социјална мрежа на почетокот на 2022 година. Според нивната оценка, таквото сознание би ја зголемило цената на акциите.
Прочитај повеќе
Трамп и Кина сакаат преку Маск да го спасат Тикток во САД
Потенцијалниот договор со еден од најблиските сојузници на Трамп има одредена привлечност за кинеската влада.
14.01.2025
Маск повторно се замеша во германската политика: На Х водеше интервју со крајната десница
Американскиот технолошки милијардер Илон Маск разговараше со кандидатката за канцеларка на германската крајна десница.
10.01.2025
Италијанската влада дава 1,5 милијарди евра за сателитските услуги на Маск
Преговорите се во тек, а конечна спогодба за петгодишниот договор сè уште не е постигната.
06.01.2025
Најголемите победници и губитници меѓу богаташите во 2024-та
Најбогатите 500 луѓе во светот значително го зголемија своето богатство во 2024 година.
02.01.2025
„Бидејќи Маск не го открил навреме своето вистинско сопствеништво, можел да преземе удели од лица кои не биле свесни за вистинската состојба, по вештачки ниски цени“, наведува регулаторното тело во тужбата поднесена до федералниот суд во Вашингтон. „Инвеститорите кои продале обични акции на Твитер во овој период го направиле тоа по вештачки ниски цени и така претрпеле значителна економска штета.“
Алекс Спиро, адвокатот на Маск, рече дека самиот процес е признание дека SEC не може да покрене вистински случај, бидејќи Маск не направил ништо лошо. „Сите ја гледаат оваа лага онаква каква што е.“
„Годинишната кампања на SEC за вознемирување на господинот Маск кулминираше со поднесување тужба против него по една точка, по член 13(д), поради наводен административен пропуст да поднесе еден образец - прекршок кој, дури и ако се докаже, носи номинална казна“, рече Спиро.
Поддршка за Трамп
Маск, најбогатиот човек на светот, во последните месеци стана еден од најголемите поддржувачи и најблиски советници на Трамп. Новоизбраниот претседател го задолжи Маск, заедно со Вивек Рамасвами, за широка владина иницијатива за намалување на трошоците на државната администрација. Маск исто така му се придружи на новоизбраниот претседател во разговори со странски функционери.
Bloomberg
Регулаторниот орган го испитува вложувањето на Маск во Твитер од 2022 година, притискајќи го да објасни зошто не го открил својот удел во Твитер во предвидениот временски рок.
Адвокатите на SEC во декември побарале од Маск да плати повеќе од 200 милиони долари бидејќи не успеал соодветно да ја обелодени својата инвестиција во Твитер, се наведува во писмото на неговите адвокати испратено до агенцијата минатиот месец, а во кое увид имал и „Блумберг“.
Спиро во писмото посчува дека SEC бара епилог на приказната, но не го обвинува Маск дека дејствувал намерно или со цел да ги измами инвеститорите.
SEC одби да коментира.
„Неприкладно и екстремно високо“
Спиро рече дека SEC предложил казна која е „неприкладна и екстремно висока“. Наведе дека во случаи на слични прекршувања од страна на други лица, SEC барал разумна казна од обично 100.000 долари или помалку.
Bloomberg
Маск во декември јавно објави дека регулаторите ги истражуваат неговите постапки, обелоденувајќи писмо од Спиро на X во кое се наведува дека агенцијата повторно ја отворила истрагата против неговата компанија за системи кои ги поврзуваат чувечкиот мозок со компјутери, „Неуралинк“ (Neuralink Corp).
Во писмото исто така се наведува дека агенцијата се подготвува да преземе мерки против него поради вложувањето во Твитер. Се вели дека персоналот на SEC претходниот ден издал барање за намирување кое од Маск барало во рок од 48 часа или да прифати да ја плати наведената сума или да се соочи со обвиненија по повеќе основи.
Маск има затегнати односи со SEC, кој го тужеше за измама со хартии од вредност во 2018 година откако твитна дека се обезбедени средства за преземање на производителот на електрични автомобили „Тесла“ (Tesla Inc.) и негово повлекување од берзата, што доведе до пораст на акциите на компанијата. Маск се согласи на спогодба во случајот, при што милијардерот и „Тесла“ платија по 20 милиони долари како казна, а Маск се повлече од местото претседател на компанијата.
Случај со објави на мрежите
До март 2022 година, Маск стекнал право на сопственост над повеќе од девет проценти од обичните акции на Твитер. Рокот за пријавување на уделот бил 10 дена од купувањето. Маск поднел извештај 11 дена подоцна, по што цената на акциите на компанијата пораснала за 27 проценти во однос на претходниот ден, се наведува во тужбата.
Се додава дека Маск повеќепати го игнорирал советот да го открие својот удел, откако го надминал прагот од пет проценти.
SEC побара од судот да му нареди на Маск да плати граѓанска казна и да го врати профитот, за кој агенцијата тврди дека неправедно го стекнал од купувањето акции.
Маск исто така се соочува со тужби од инвеститори кои го обвинуваат дека го скрил купувањето на акциите на Твитер.
.webp){kind=icon}