text size
Иако на новата листа на Форбс, Илон Маск е на второто место на најбогати луѓе во светот, со имот проценет на 180 милијарди долари, зад Бернард Арно, сега се соочува со тужба за тргување со инсајдерски информации.
„Тесла“ и Маск се соочуваат со обвинувања за инсајдерско тргување во тужба поднесена од инвеститори во криптовалути, кои велат дека извршниот директор на „Тесла“ и сопственик на „Твитер“ го искористиле своето влијание за да манипулираат со цената на доџкоин (Dogecoin).
Обвиненијата поднесени во федералниот суд на Менхетен се најнови во серијата тужби поврзани со одлуката на Маск да продаде доџкоин за 124 милиони долари во април, набргу откако тој накратко го смени логото на социјалната мрежа Твитер во симболот на криптовалутата и ја зголеми нејзината цена за дури 30 проценти.
Тужбата се заснова на наводи за пазарни манипулации и инсајдерско тргување, кое „било смислено од самиот Илон Маск за вештачки да ја зголеми цената на доџкоин за повеќе од 36.000 проценти“.
qz.com
Со барањето до судот се укажува на твитот кој содржеше фотографија од куче како пуши цигара и беше насловен доџкоин рулс (Dogecoin Rulz), како и на појавувањето на Маск во „Сатрдеј најт лајв“ (Saturday Night Live), кога тој им рече на гледачите да инвестираат во доџкоин.
Адвокатите на Маск изјавија дека неговите изјави се премногу нејасни за да се сметаат за измама и ја нарекоа тужбата „фантазија“.
„Нема ништо незаконско во твитнувањето зборови за поддршка или смешни слики за легитимна криптовалута која сè уште има пазарна вредност од речиси 10 милијарди долари“, изјавија тогаш адвокатите на Маск.
Дополнително, Маск се соочува со нови обвинувања дека правниот тим бил во конфликт на интереси кога ги застапувале Маск и „Тесла“ во исто време. Адвокатите неодамна поднесоа одговор до Окружниот суд на Соединетите Држави, барајќи да го отфрли предлогот со кој се бараат санкции против нив за наводен конфликт на интереси.
Поднесокот, поднесен од Еван Спенсер, адвокат кој ги застапува тужителите во случајот против Маск, тврди дека според законот на државата Њујорк, нема конфликт на интереси кога правните тимови ги застапуваат и претставниците на компанијата и самата компанија, освен ако тие се правни противници.
.webp){kind=icon}
