Цените на нафтата паѓаат втор ден по ред, бидејќи извештајот од секторот покажа пораст на резервите на сурова нафта во Соединетите држави (САД), во време кога инвеститорите се загрижени за влијанието на трговските судири додека администрацијата на Доналд Трамп продолжува да ја спроведува својата агенда.
Нафтата брент падна на 70 долари за барел откако изгуби 0,7 отсто од вредноста во вторникот, додека ВТИ беше близу 66 долари. Американскиот институт за нафта соопшти дека националните резерви пораснале за 4,6 милиони барели минатата недела, иако е забележан пад во клучното складиште во Кушинг, Оклахома. Официјалните бројки се очекуваат подоцна во среда.
Инвеститорите, исто така, ќе ја следат одлуката за каматната стапка на Федералните резерви (ФЕД), како и коментарите на претседателот Џером Пауел за изгледите за економијата, додека Трамп ја ескалира трговската војна. На поширокиот пазар од неодамна се чувствува намалување на апетитот за ризик, со распродажба на акциите, поради загриженоста за економското забавување.
Прочитај повеќе
Златото на рекордно ниво поради тензиите на Блискиот Исток и загриженоста за економијата во САД
Цената на златото се зголеми за 0,6 проценти откако Израел соопшти дека извршил воени напади врз цели на Хамас во Газа.
18.03.2025
Министерот за финансии на САД не е загрижен за падот на берзите, корекциите ги нарекува здрави
Американскиот министер за финансии Скот Бесент рече дека не е загрижен за пазарите, иако минатата недела распродажба го доведе индексот S&P 500 во корекција.
17.03.2025
Крипто: Стратегиските резерви на САД потврдени, но цените паѓаат. Зошто?
Што се случува на криптопазарот?
11.03.2025
Од инаугурацијата на Трамп: Се стопи богатството на милијардерите
Петте најбогати луѓе, меѓу кои Маск, Безос и Цукерберг, изгубија 209 милијарди долари
11.03.2025
ICE, EIA
Цената на нафтата е значително пониска од нејзиниот јануарски пик бидејќи серија негативни фактори се комбинираат за да извршат притисок врз цената. На страната на понудата, ОПЕК и неговите сојузници се подготвуваат да го зголемат производството, додека ескалацијата на трговските тензии се заканува да ја поткопа побарувачката, исто како што потрошувачката во Кина останува слаба.
„Закрепнувањето го загуби моментумот бидејќи пошироките чекори кон помала изложеност на ризични средства се спротивставуваат на повторното заживување на геополитичките ризици, додека зголемените резерви на нафта во САД само го зголемија притисокот“, рече Ворен Патерсон, шеф на одделот за стоки во ИНГ во Сингапур. „Пошироките макроекономски стравови веројатно ќе продолжат да ги диктираат движењата на цените“.
Геополитичките грижи, кои ги поттикнаа цените на раст во понеделникот, останаа во фокусот. Трамп го притисна Иран да ги заузди Хутите, карактеризирајќи ги нападите на јеменските милитанти како директна одговорност на Техеран. Рускиот претседател Владимир Путин, од друга страна, ја отфрли понудата на Трамп за прекин на огнот во Украина и се согласни само да ги ограничи нападите врз енергетскиот сектор во земјата.
Цени:
Брент за испорака во мај падна за 0,5 отсто на 70,23 долари за барел
ВТИ за испорака во април падна за 0,5 отсто на 66,56 долари за барел
.webp){kind=icon}
