Златото напредуваше додека инвеститорите ги одмеруваа изгледите за затегнување на монетарната политика од страна на централната банка на САД (ФЕД), по новите податоци кои укажуваат на одредена слабост во американската економија.
Во вторникот, златните прачки ја прекинаа шестдневната серија на губитоци бидејќи доларот се намали. Инвеститорите го чекаат годишниот состанок на централните банкари во Џексон Хол подоцна оваа недела и говорот на претседателот на ФЕД, Џером Пауел в петок.
Главниот економист на „Голдман сакс“ (Goldman Sachs Group Inc.), Јан Хациус вели дека очекува Пауел да се заложи за побавно зголемување на каматните стапки. Сепак, претседателот на ФЕД од Минеаполис, Нил Кашкари, порача дека е „многу јасно“ оти американската централна банка мора да ја заостри монетарната политика за да ја врати инфлацијата под контрола.
GOLDS:COM
GOLD SPOT $/OZ
1.748 USD
-0,144999999999980 -0,01%
почетна цена
1.748,15
претходна цена на затворање
1.748,145
промена од почетокот на годината
-4,552263284496%
дневен опсег
1.744,18 - 1.748,52
опсег на 52 недели
1.680,99 - 2.070,44
Инвеститорите проценуваат колку агресивно ФЕД може да продолжи да ги зголемува стапките наспроти зголемените ризици за растот. Економската активност ослабе од САД до Европа и Азија, поттикнувајќи ја загриженоста дека растот на цените и војната во Украина ќе го втурнат светот во рецесија.
Додека златото се стабилизира пред симпозиумот во Џексон Хол, „индексот на доларот останува на повеќегодишен максимум, притискајќи го не само златото, туку и другите валути“, вели Автар Санду, висок менаџер за стоки во „Филип Нова“ (Phillip Nova).
Спот златото претрпе мала промена на 1.747,13 долари за унца од 6:42 часот наутро во Лондон, откако во вторникот порасна за 0,7 отсто. Индексот Bloomberg Dollar Spot порасна за 0,1 отсто по падот од 0,4 отсто во претходната сесија. Среброто и платината беа стабилни, додека паладиумот поскапе.
.webp){kind=icon}
Во моментов нема коментари за веста. Биди прв да коментира...