Цената на нафтата порасна бидејќи ОПЕК+ го зголеми производството помалку од очекувањата, додека геополитичките тензии околу Украина и Иран се зголемија.
Брент нафтата за август се искачи кон 65 долари за барел по загубата од 2,2 отсто минатата недела, додека ВТИ (West Texas Intermediate) се искачи на над 62 долари. Организацијата на земјите извознички на нафта и нејзините сојузници се согласија во саботата да додадат 411.000 барели дневно во јули, што е во линија со очекувањата, но спротивно на извештаите од крајот на минатата недела дека групата разгледуваше уште поголемо зголемување.
Во меѓувреме, Украина изврши напади на воздушни бази длабоко во Русија, а Иран го критикуваше извештајот според кој растат резервите на збогатен ураниум – овие ескалации ги намалуваат шансите санкционираните членки на ОПЕК+ да внесат дополнителна понуда на пазарот. Трговските тензии исто така останаа во фокус, откако претседателот Доналд Трамп најави зголемување на царините за челик и алуминиум.
Bloomberg
Цените пораснаа во понеделник по два турбулентни месеци, кога нафтата падна на најниско ниво во последниве четири години поради трговските војни на Трамп, пред делумно да закрепне. Цената на суровата нафта сè уште е речиси 15 отсто пониска од почетокот на годината, под притисок на трговските конфликти и откажувањето на ОПЕК+ од претходната стратегија за одржување повисоки цени преку ограничување на производството.
Официјалните лица од ОПЕК+ изјавија дека зголемувањето на квотата ја одразува желбата на Саудиска Арабија да ги казни земјите што произведуваат повеќе од дозволеното, како Казахстан и Ирак. Некои членки – вклучувајќи ја Русија, Алжир и Оман – сакале пауза. Следниот состанок на групата е закажан за 6 јули, кога ќе се разговара за нивото на производство во август.
„Брент нафтата ќе биде добро поддржана во нашиот очекуван летен опсег од 60 до 65 долари, сè додека не добиеме појасна слика за тоа колку брзо навистина расте производството на ОПЕК“, рече Роберт Рени, раководител на одделот за истражување на суровини и јаглерод во „Вестпак бенкинг“ (Westpac Banking Corp.) во Сиднеј. „Можеби гледаме знаци дека темпото на зголемување би можело да се забави во наредните месеци“, бидејќи некои членки барале пауза во зголемувањето на квотите.
.webp){kind=icon}
