Бакарот достигна рекорд во Шангај и поскапе во Њујорк, продолжувајќи го силниот годишен раст, бидејќи инвеститорите очекуваат понатамошно затегнување на глобалната понуда во 2026 година, а на цените влијае и послабиот американски долар.
Во Кина цената порасна за 2,7 отсто - на 98.780 јуани (14.090 долари) за тон на Шангајската берза за фјучерси. Во Њујорк договорите на Њујоршката берза за стоковни деривати (Comex) се зголемија за 3 отсто и достигнаа 5,743 долари за фунта. Тоа е највисоко ниво за американскиот бенчмарк од јули, кога пазарот беше разнишан од силен притисок врз шорт-позициите. Лондонската берза за метали повторно ќе се отвори в понеделник, по божиќната пауза.
Металите забележаа силни добивки во декември, заокружувајќи ја годината во која трговските нарушувања, геополитичките неизвесности и шоковите во понудата ја разнишаа индустријата. Од страната на побарувачката се очекува бакарот да биде еден од најголемите добитници од глобалната енергетска транзиција, што му помогна да стане меѓу најуспешните метали во 2025 година, со раст од повеќе од 42 отсто во Њујорк.
Прочитај повеќе
Цената на бакарот паѓа пред извештајот за вработеноста во САД
Цената на бакарот благо падна во пресрет на американските податоци за вработеноста, а инвеститорите се внимателни поради неизвесноста околу каматните стапки.
16.12.2025
Светот има потреба од многу повеќе бакар – но дали ќе го има доволно?
Серијата прекини во рудниците, растечката побарувачка од ВИ и енергетската транзиција, како и трговските тензии, создаваат глобален недостиг од бакар, што може да ја преобликува индустријата.
11.12.2025
Примирјето меѓу САД и Кина го води алуминиумот кон тригодишен максимум
Алуминиумот е на пат да оствари највисоко ценовно затворање од мај 2022 година бидејќи основните метали пораснаа заедно со другите ризични средства по ублажувањето на тензиите меѓу САД и Кина.
03.11.2025
Цената на бакарот на рекорд бидејќи проблемите со снабдувањето водат кон дефицит
Тримесечните фјучерси денеска се искачија на 11.146 долари за тон на Лондонската берза за метали, надминувајќи го претходниот врв што беше поставен во 2024 година.
29.10.2025
Трамп одново изненади со царинските одлуки - имплозија на обемната трговија со бакар
Доналд Трамп продолжи со 50 проценти царини за увоз на бакар, но ги исклучи клучните производи, вклучувајќи го и рафинираниот метал, кои се главен столб на меѓународниот синџир на снабдување.
31.07.2025
Договорите на Њујоршката берза за стоковни деривати претходно годинава достигнаа рекордни нивоа поради очекувањата дека американскиот претседател Доналд Трамп ќе воведе царини на металот. Иако најтргуваната форма на суровината на крајот беше изземена од овие давачки, одлуката треба повторно да се преиспита во 2026 година. Континуираниот прилив на метал во САД предизвикува загриженост дека купувачите на други пазари ќе се соочат со недостиг.
Цените дополнително се зголемија во последните сесии поради падот на американскиот долар, кој, според показателот на „Блумберг“ за движењето на вредноста на доларот, е на пат да го забележи најголемиот неделен пад од јуни. Тоа придонесе суровините да станат поевтини за поголемиот дел од купувачите.
Фјучерсите во Шангај во 10:25 часот по локално време се тргуваа по цена од 98.370 јуани за тон, додека на Њујоршката берза бакарот изнесуваше 5,7205 долари за фунта.
.webp){kind=icon}
