Огромен раст на цените за изнајмување танкери за нафта

Привремените цени за изнајмување танкер за превоз на нафта од Блискиот Исток до Кина се зголемија повеќе од двојно од петокот поради војната на Блискиот Исток и сè помалата понуда на бродови.

Цената за „Суецмакс“ (Suezmax), кој може да собере до милион барели сурова нафта, денес за оваа рута е 525 индустриски стандардни поени од светската скала, според брокерите за бродови, што е драстично зголемување од 225. поени во петокот и 50. поени на почетокот на годината.

Индустријата користи таканаречени цени од светската скала како начин лесно да ги пресмета и заработката на бродот и трошоците за превоз по барел низ илјадници трговски патишта.

Проширувањето на војната на Блискиот Исток и ефикасното затворање на Ормутскиот теснец преизвикуваат турбо-раст на трошоците за танкери, кои веќе беа зголемени поради растечката закана од конфликт. Движењата на цените се влошуваат и од концентрацијата на сопственост на супертанкери, откако јужнокорејскиот превозник „Синокор Мерчант Марин“ започна со многу голема куповна акција на носачи на сурова нафта во последните месеци.

Патувањата по рутата од Блискиот Исток до Кина обично се договараат врз основа на достапната тонажа на ВЛЦЦ што може да носи до два милиона барели.