Цените на природниот гас во Европа продолжија со најстрмниот раст изминативе години, додека неизвесноста околу војната на Блискиот Исток продолжува да ги вознемирува енергетските пазари.
Фјучерсите скокнаа дури 13 отсто во четвртокот. Договорите паднаа еден ден претходно, додека пазарот ги проценуваше можностите на американскиот план за обезбедување безбедно преминување на танкерите низ Ормускиот Теснец, за кој досега нема детали. Трговците сѐ уште пресметуваат големи нарушувања во снабдувањето на глобално ниво.
Глобалните енергетски пазари се потресени од војната, која влегува во својот шести ден без непосредна перспектива за решение. Трговските нарушувања го зголемуваат стравот од глобална енергетска криза и поттикнуваат инфлациски стравови.
Прочитај повеќе
Во кое сценарио е Македонија: новиот конфликт ги буди стравовите од 2022 година
Околу половина од испитаниците во анкетата што ја спроведе „Блумберг њуз“ сметаат дека изгледите за економскиот раст засега остануваат во голема мера непроменети, но за инфлацијата работите се потешки.
05.03.2026
Норвешка не може да го зголеми производството на гас, Европа допрва ќе се соочи со недостиг
Производителите на природен гас во Норвешка работат речиси со полн капацитет, според министерот за енергетика на земјата, што врши дополнителен притисок врз европските држави кои се обидуваат да ги наполнат испразнетите резерви со гориво.
03.03.2026
Драматичниот раст на цените на енергентите го зголемува стравот од инфлација
Вчерашната слика од глобалните пазари потсетува на периодот од пред точно четири години кога Русија ја започна војната во Украина. Растот на цените на енергентите тогаш доведе до енергетска криза, која прерасна во инфлациска криза, најголема во последните 40 години.
03.03.2026
Пазарот на гас во Европа е особено ранлив поради продолжените студени периоди оваа зима, кои ги исцрпија веќе ниските резерви од гориво. Летово ќе треба да купува повеќе течен природен гас (ЛНГ) за да ги наполни, а се соочува со ризик од силна конкуренција за товарите ако снабдувањето од Блискиот и Исток не може да стигне до глобалните пазари.
„Не се гледа решение за повторно отворање на теснецот, па стравот од недоволно ЛНГ-резерви расте секој ден“, изјави Арне Лохман Расмусен, главен аналитичар во ГРМ (Global Risk Management).
Цената на европскиот гас скокна до највисокото ниво во последните три години, по затворањето на „Рас Лафан“, најголемата фабрика за извоз на ЛНГ во светот, по иранскиот напад со дрон. Танкерскиот сообраќај преку Ормускиот Теснец речиси целосно запре, а по оваа рута нормално транзитира околу една петтина од глобалните резерви од ЛНГ.
Додека азиските земји купуваат најголем дел од ЛНГ што се испорачува од Блискиот Исток, секое продолжено нарушување на протокот го намалува достапниот обем на резерви, што ги одржува цените високи во светски рамки. Купувачите веќе се борат за алтернативи: Тајван соопшти дека обезбедил ЛНГ за април од региони надвор од Блискиот Исток, додека Тајланд бара дополнителни испораки.
Фјучерсите за гас во Холандија, европскиот показател, пораснаа за 9,2 отсто, на 53,26 евра за мегават-час, до 8:25 часот наутро во Амстердам.
.webp){kind=icon}
