Иран во петокот лансираше балистички ракети кон заедничката американско-британска воена база на Диего Гарсија, демонстрирајќи ракетна способност која го надминува она што претходно се знаеше дека Техеран го поседува.
Базата, стратешки аеродром што може да прими бомбардери „Б-2 стелт“, лоцирана речиси 4.000 милји (6.400 километри) оддалечена од Иран, не претрпела никаква штета, според анонимни извори. Нападот е прв во трите недели војна кога е пријавено дека Техеран користел оружје со дострел поголем од 2.000 милји.
Нападот во петокот се случил неколку часа пред владата на премиерот Кир Стармер да даде дозвола на САД да користат британски бази, вклучувајќи ја и таа на Диего Гарсија, „за специфични и ограничени одбранбени операции“. Иранскиот министер за надворешни работи Абас Арагчи ја критикуваше одлуката.
Прочитај повеќе
Трамп: САД размислуваат за намалување на воените напори против Иран
Претседателот Доналд Трамп изјави дека размислува за „намалување“ на американските воени напори против Иран, велејќи дека САД се блиску до постигнување на своите цели додека конфликтот, кој ги потресе финансиските пазари и регионот, влегува во четврта недела.
21.03.2026
Трамп ги нарече сојузниците од НАТО кукавици
Претседателот на САД, Доналд Трамп, повторно жестоко ги нападна воените сојузници затоа што не се приклучија на војната против Иран или не помогнаа во деблокирањето на Ормускиот теснец, изразувајќи фрустрација додека Исламската Република продолжува со напади врз енергетските постројки во Заливот.
20.03.2026
Енергетскиот притисок врз ЕУ ќе трае повеќе години
Европската Унија се подготвува за долготраен енергетски ценовен шок откако Иран ја парализираше клучната гасна фабрика во Катар, зголемувајќи ја можноста за повеќегодишен недостиг на снабдување.
20.03.2026
Цената на европскиот гас скокна за 35 проценти откако Иран ја погоди најголемата фабрика за течен гас во светот
Фабриката во Катар произведува околу една петтина од глобалното снабдување.
19.03.2026
Централната команда на САД веднаш не одговори на барањето за коментар за нападот, кој првпат го објави „Волстри џурнал“ . Без директно да ја спомене базата на Диего Гарсија, британското Министерство за одбрана ги критикуваше „необмислените напади“ на Техеран, нарекувајќи ги закана за британските интереси и сојузници.
„Никој, и навистина никој, не претпоставуваше дека Иран има ракети со таков дострел“, рече Вилијам Алберк, европски истражувач во „Пацифик форум“. „Тоа значи дека веројатно користеле модифицирана ракета - можеби прототип,“ што укажува дека Техеран сè уште има складишта или работилници каде може да се направат такви измени.
Иран би можел да ја намали тежината на постоечка ракета или дури да ја отстрани боевата глава за да го продолжи дострелот, вели Алберк. Тоа може да биде и еднократен модифициран дизајн, додава тој.
.webp){kind=icon}
