text size
Овој месец Лисабон ќе стане новиот европски град што ќе го забрани сообраќајот во центарот на градот. Планот, кој на 26 април ќе биде претставен прво за тримесечен пробен период, ќе предвидува на автомобилите да им биде забрането да возат низ срцето во центарот на Лисабон. Во поширока зона во периодот од 8 до 20 часот ќе биде оневозможен и пристап за поголемиот дел возила од над 3,5 метрички тони, вклучувајќи ги и туристичките автобуси, но со исклучок на сите форми на јавен превоз.
По воведувањето на зоните, автомобилите што ќе сакаат да поминат низ градот ќе бидат насочени кон полукружниот прстен на главните патишта надвор од центарот на Лисабон, кој всушност ќе дејствува како појас. Иако планот нема да биде целосна забрана за автомобили, тој би можел значително да го намали сообраќајот низ строгиот центар на португалската престолнина.
Заменик-градоначалничката на Лисабон, Анакорета Кореја, истакна дека планот е динамичен и дека ќе се менува како што ќе напредува завршувањето на работите.
Летово централниот дел на Лисабон ќе биде подложен на значително голема градба, вклучувајќи и доградба на метрото за да се направат две нови станици, инсталација на нови одводи за атмосферски одводи за да се спречат поплави по должината на брегот на градот, обновување на улиците и работа на канализација. Овие работи претставуваат ризик да ги затнат патиштата, особено ако сообраќајот продолжи да циркулира нормално.
Сепак, градот соопшти дека барем некои од мерките ќе се задржат вечно, како забраната за дневни тешки товарни возила, која дефинитивно имаат намера да ја направат трајна.
Според некои португалски експерти за транзит, планот може да му помогне на Лисабон да ја достигне предизвикувачката цел да стане јаглеродно неутрален до 2030 година, цел што беше активно промовирана претходно. Градот е еден од 122-та града на ЕУ што ветија дека ќе ја постигнат таа цел.
Париз и Амстердам веќе воведуваат мерки да се забрани сообраќајот во внатрешноста на градот, додека Лондон долго време ги одвраќа возилата од централниот сообраќај преку надомест што треба да го платат за создадениот метеж. Во големите европски градови навиката да се вози низ централните урбани зони наскоро може да стане минато.
.webp){kind=icon}
