Какви се најновите трендови во банкарскиот сектор во земјите од регионот Адрија ќе можете да прочитате в понеделник во новата анализа што ја подготви аналитичкиот тим на „Блумберг Адрија“. Истиот ден ќе ги разгледуваме можностите за консолидација во македонскиот банкарски сектор, а по најавата дека постои интерес за присоединување на „Стопанска банка“ АД Битола кон „Комерцијална банка“ АД Скопје.
Изминативе денови дојде до раст на вредноста на доларот, што може да има големо влијание врз светската економија, а пред сè во трговијата со нафта, чија вредност исто така бележи пораст. Прашуваме какви ефекти може да се очекуваат од овие трендови на македонскиот пазар.
Министерството за финансии следната недела првпат ќе издаде таканаречена зелена обврзница. Во пресрет на аукцијата, ги испитуваме очекувањата и анализираме какви се искуствата во други земји од задолжување преку обврзници за реализација на еколошки проекти.
Растот на производството на електрични возила предизвика зголемен интерес за инвестирање во капацитети за производство на батерии насекаде во светот, па и во земјите од регионот Адрија. Ќе анализираме дали ваквите капацитети носат опасност од еколошки аспект.
Истражуваме колку пари искористила нашата земја од европските фондови, колку ни стојат на располагање и колку не сме искористиле поради недостиг од капацитет на домашните институции.
.webp){kind=icon}
