Според податоците на државната статистика во март годинава инфлацијата одново забрза и се искачи на четири отсто на годишно ниво. Трошоците во март споредено со февруари се зголемиле за 0,9 отсто. Причината за новиот бран поскапување е завршувањето на мерката гарантирана цена. Што ќе донесе следниот период кога се работи за инфлацијата, многу ќе зависи од цените на нафтата на светските берзи.
Добро утро, ова се петте вести кои се важни за почеток на денот.
Македонското млеко како луксуз - цените во Германија се пониски
Во промотивен леток на голем европски ланец маркети, цената млеко во пакување од литар и половина во Германија неделава изнесува 0,79 евроценти (околу 49 денари). Во македонските маркети не може да се најде млеко со цена пониска од 65 денари за литар.
Цената на млекото одново порасна во март. Одмрзнувањето на цените на основните прехранбени производи од почетокот на минатиот месец, ја зголеми нивната цена за 1,3 отсто во споредба со февруари. Од сите групи производи чии цени од септември до февруари беа замрзнати најголемо е поскапувањето кај овошјето и млекото, млечните производи и јајцата.
Анализа: Паѓа производството на јајца во земјава, компаниите со поголеми приходи
Стапката на инфлација во Македонија во март 2024 година забележа зголемување од четири проценти, што е сигнал за менување трендот на намалување којшто започна минатата година и веројатно се должи на одлуката на Владата да ги одмрзне цените на основните прехранбени производи кои беа замрзнати за да се намали ценовниот притисок.
Статистичките податоци откриваат дека во март има раст на цените на храната од 3,7 проценти во однос на истиот месец минатата година. Со оглед на тоа што се наближуваат велигденските празници анализираме каква е состојбата со цените на јајцата во Македонија и воопшто со живинарството.
Владата ја одмрзна инфлацијата
Трошоците на животот во март 2024 година во однос на март 2023 година бележат зголемување од четири проценти, а цените на мало бележат зголемување од 3,8 проценти, соопшти Државниот завод за статистика (ДЗС).
„Инфлацијата мерена преку индексот на трошоците на животот во март 2024 година, во однос на февруари 2024 година, изнесува 0,9 проценти“, информира ДЗС.
Шринкфлација и други инфлаторни поими
Долгиот период во кој има висока инфлација ги направи потрошувачите нервозни, но и желни за тоа да обвинат некого. Повисоките цени на производите и на услугите се покажаа поотпорни отколку што предвидуваа Федералните резерви (Фед) на САД и другите централни банки.
Тоа доведе до појава и на некои теории и скратени објаснувања, но и фрази како што се шринкфлација и други инфлаторни поими.
Шансите за нафта од 100 долари растат бидејќи шоковите во понудата го тресат пазарот
Кога нафтата скокна над 90 долари за барел пред само неколку дена, воените тензии меѓу Израел и Иран беа непосреден поттик. Но основите на закрепнувањето беа подлабоки, до шокови на глобалната понуда што ги подгрева стравувањата од оживување на инфлацијата предизвикана од стоките.
Неодамнешниот потег на Мексико да го намали извозот на сурова нафта го влошува глобалниот притисок, што ги натера рафинериите во САД, најголемиот светски производител на нафта, да трошат повеќе домашни барели. Американските санкции го блокираа рускиот товар на море, а испораките од Венецуела се потенцијална следна цел. Нападите на бунтовниците Хути врз танкери во Црвено Море ја одложија испораката на сурова нафта. И покрај превирањата, ОПЕК и неговите сојузници се држат до намалувањето на производството.
.webp){kind=icon}
