Кина планира да интервенира на пазарот за да ги принуди големите загадувачи да ги ограничат емисиите, што е најзначајниот чекор досега за зајакнување на системот што досега даваше мала поддршка за климатските активности.
Денеска анализираме како компаниите во регионот се справуваат со декрабонизацијата и како таа ќе влијае на нивното работење.
Добро утро, ова се петте најважни вести на денот.
ББА-анализа: Како емисиите на штетни гасови влијаат врз профитот на компаниите
Аналитичарите на „Блумберг Адрија“ објавија нова анализа на состојбата со емисиите на штетни гасови и спроведувањето на програмите за декарбонизација односно зелена транзиција на индустриите. Нашиот аналитичар Михаел Блажековиќ во продолжение подетално коментира како компаниите од регионот се справуваат со обврската за намалување на емисиите на штетни гасови.
Процесите на декарбонизација можат значително да влијаат на работењето на компаниите, каде што не се испреплетени само директните ефекти од штетните емисии на CO2 туку и индиректните. Во регионот, „Цинкарна Целје“ е пример за компанија што заработила од продажба на вишок дозволи, со што ја зголемила својата ЕБИТДА маржа за симболични 0,1 процентен поен. Но влијанието може да биде поинтензивно, што најдобро го покажува примерот на НЕКСЕ (NEXE), чие зголемување на емисиите на CO2 ја намали нејзината ЕБИТДА маржа дури за пет процентни поени.
Сè повеќе Македонци инвестираат преку животното осигурување
Во текот на март годинава, граѓаните вложиле близу два милиони евра во осигурување живот. Во споредба со истиот месец лани бруто полисираната премија е зголемена за над 22 отсто.
Според податоците на Агенцијата за супервизија на осигурувањето (АСО), во период од пет години, од 2019 до 2023 година, вложувањата во осигурување живот пораснале за 36 отсто. Сепак, овој вид на осигурување и натаму е под европскиот просек. Учеството на осигурување живот во вкупното осигурување во земјава заклучно со лани, изнесува 20 отсто. Во развиените земји тој процент е 30.
Биткоинот расте, но иднината на парите лежи на друго место
Нова форма на дигитални пари станува вирална, опфаќајќи десетици милиони корисници, милијарди трансакции и вниманието на централните банки во светот. Не, не е биткоинот, кој се искачи над 69.000 долари на 12 март за да постави нов рекорд за првпат од ноември 2021 година.
Наместо тоа, зборувам за бразилскиот евтин систем за инстант плаќање „Пикс“ (Pix), кој може да има подобри шанси да ја обликува иднината на финансиите отколку криптовалутите.
„Тесла“ отпушта над 14.000 работници
„Тесла“ (Tesla Inc.) ќе ја намали својата работна сила на глобално ниво за повеќе од 10 отсто, објави „Електрек“ (Electrek), бидејќи се соочува со забавување на побарувачката за електрични возила.
Илон Маск го наведува „дуплирањето на работни позиции и функции во одредени области“ како причина за отпуштањата, пренесува „Електрек“, повикувајќи се на е-пошта што извршниот директор на „Тесла“ ја испратил до персоналот. Под претпоставка дека отпуштањата се однесуваат на целата компанија, тоа значи дека ќе бидат отпуштени повеќе од 14.000 вработени.
Пристигнува Барби(кју) сосот за скара
Ако мислевте дека барбиманијата заврши, размислете уште еднаш. Случајот секако не е затворен за „Крафт Хајнц“ (Kraft Heinz Co).
Девет месеци по прикажувањето на „Барби“ (Barbie), кој заработи повеќе од 1,4 милијарда долари и стана филм со најголема заработка во 2023 година, производителот на храна се здружи со „Мател“ (Mattel Inc.) во производството на сос за скара со досетливо име „Барбикју“ (Barbiecue). Зачинот е со карактеристична розова нијанса и украсен со профилот на познатата кукла со коса врзана во опавче. Ако филмската ѕвезда Марго Роби работеше како скараџика во филмот, производот секако ќе го заземеше главното место.
.webp){kind=icon}