Случај на мајмунски сипаници вчера беше регистриран и во Тајланд. Претходно во Азија болеста беше регистрирана и во Пакистан. Минатата недела првиот случај беше изолиран и во Европа, во Шведска. Шведските здравствени власти изјавија дека нема опасност по општата популација во земјата, Кина пак веќе презема мерки за заштита на населението. Свежи се сеќавањата од однесувањето и на Шведска и на Кина во времето на пандемијата, па оттука логично е прашањето дали мајмунските сипаници се новиот ковид.
Инфлацијата останува во фокусот и неделава. Во рамките на еврозоната годишниот просек во јули изнесуваше 2,6 отсто, што е раст во однос на еден месец претходно. Главната причина за забрзувањето се услугите. Но растат цените и на суровините. Железната руда се доближува до 100 долари за тон, прачка злато стигна до милион долари, а цената на какаото, и по добрата жетва во Африка, нема значително да се спушти од рекордните височини. Сè на сè, економијата сè уште е ранлива, а централните банки ќе ги мерат ефектите и од инфлацијата и од рецесијата пред носењето на одлуките.
Прочитајте повеќе:
Анкета на „Блумберг“: Стратезите од Волстрит очекуваат рекорди на европските акции
Европа се подготвува за емисии на нови обврзници
Растот на платите во еврозоната забавува, а во земјава просечната плата во јуни се доближи до 42.000 денари, растот за една година изнесува близу 15 отсто. Но повисоките плати не го зауздија растот на кредитите, според последниот извештај на НБРМ во јули годишниот раст изнесувал 7,3 отсто. А високите трошоци за кредити ги сменија навиките на луѓето за одмор, сега подолго се размислува за понудите на агенциите, а деновите за летување стануваат пократки. Ваквата ранливост на домаќинствата, а и на компаниите е ризик и за финансиската стабилност.
Ризици има и за државниот фонд за пензиско осигурување, но тоа не е пречка за власта да го реализира најавеното линеарно зголемување на пензиите од септември.
Прочитај повеќе:
КХВ дозволи „Комерцијална банка“ да даде понуда за „Стопанска банка Битола“
Како економијата „кидалт“ го поттикнува пазарот на играчки
Топлотните бранови попуштаат, сцената ја заземаат бурите и поплавите. Заедничко за сите временски неприлики се климатските промени. Намалувањето на штетните емисии требаше да почне со намалување на употребата на јагленот, но тој сега се користи повеќе од кога било. Земјите во развој го ценат јагленот како евтин и удобен извор на енергија што можат да го користат за модернизирање на своите економии – исто како што претходно правеа западните земји.
Употребата на јагленот е болно прашање и за Македонија. Затворањето на електроцентралите директно ќе погоди околу 5.000 семејства. Оттука, експертите велат дека на земјава најпрво ѝ треба јасен план за енергетската транзиција, план што ќе се однесува на социоекономските аспекти, но и на средствата што се потребни за инвестиции во енергетската мрежа, која во скоро време нема да може да ги прима големите количества струја од обновливи извори на енергија.
.webp){kind=icon}
