.webp){kind=icon}
„Енвидија“ делумно ги разочара берзите објавувајќи проекции за продажба што е пониска од очекувањата. Според кварталните резултати, компанијата ги оправда прогнозите, но вестите поврзани со проблемите за производство на чиповите „блеквел“ имаа поголемо влијание, па акциите на компанијата паднаа за повеќе од осум отсто во доцното тргување.
Сепак, извршниот директор на компанијата подоцна изјави дека ќе има доволно резерви и производството ќе полета.
Во пресрет на есенското олеснување на монетарните политики во еврозоната, стигна податокот за инфлацијата во најголемата европска економија. Во август инфлацијата во Германија се спушти на два отсто односно на целта што ја постави Европската централна банка. Сепак, земјата останува оптоварена со економските проблеми. БДП е намален за 0,1 отсто, приватната потрошувачка падна за 0,2 отсто, државната потрошувачка се зголеми за еден отсто.
Во земјава продолжува циклусот на задолжување. Министерството за финансии преку две аукции на државни записи и обврзници на 3 септември годинава планира да се задолжи за вкупен износ од четири милијарди денари (65 милиони евра).
Прочитајте повеќе:
Ќе остане ли Македонија само со две домашни банки?
Продолжи падот на продажбата на електрични возила во Европа. Причина за намалената продажба делумно е тоа што владите ги намалуваат финансиските стимулации за купување автомобили на батерии.
Трошоците за купување електрични возила од Кина, пак, дополнително ќе растат за европските потрошувачи поради новите тарифи. Анализиравме како „трговската војна“ меѓу ЕУ и Кина ќе се одрази на македонскиот пазар со електрични автомобили, каде што во моментов продажбата е намалена за околу 50 отсто.
Швајцарија повторно се врти кон нуклеарките. Во земјата од 2018 година е во сила забраната за изградба на нуклеарни централи, но сега властите имаат намера да ја сменат насоката за да стигнат до нулта емисија на штетни гасови до 2050 година.
Анализиравме и до каде е земјава во исполнувањето на климатските цели. Исходот е дека се утврдуваат нови цели, а старите се недостижни главно затоа што законите или не се донесени или неефикасно се спроведуваат.
Неизвесно е и на пазарот со суровини. Европските складишта со гас се полни, но аналитичарите велат дека доволно може и да не биде доволно. Сѐ ќе зависи од снабдувањето од Русија и од тоа каква зима ни претстои.
Прочитајте повеќе:
Сурова зима за челичната индустрија: Што значи тоа за македонските компании?
Како Индија ги престигна Русија и Кина на врвот на Лондонската берза за метали
Викендов на аеродром во Франција беше уапсен основачот на Телеграм, Павел Дуров. Тој се соочува со обвинение што вклучува наводи за тероризам, дрога и перење пари. Вчера Дуров беше пуштен од притвор откако плати кауција од пет милиони евра, но има обврска да остане во Франција и двапати неделно да се јавува во полициска станица.
Прочитајте повеќе:
Како тетовирањето стана растечки сегмент во индустријата за животниот стил?
Првиот пациент од „Неуралинк“: Бев целосно воодушевен
„Блумберг Адрија“ како партнер на „Ај тек самит“, кој ќе се одржи во Скопје на 3 и 4 октомври, на своите претплатниците им нуди 15 отсто попуст за регистрација. Промоцијата важи до 6 септември, код за попуст: Bloomberg@15
