text size
Повеќето вработени во Агенцијата за меѓународен развој на САД (УСАИД - USAID) ќе бидат пратени на принуден одмор почнувајќи од петок. Оваа агенција, која се соочува со проблеми, стана бојно поле во кампањата на претседателот Доналд Трамп и на Илон Маск за реструктурирање на федералната влада.
УСАИД во Македонија е активна од 1993 година, со активности и финансирање проекти во насока на јакнење на институционалните капацитети со цел да станат поодговорни кон граѓаните. Токму поради тоа, запирањето на активностите на УСАИД ќе погоди многу проекти во земјава, како и луѓето што работеле на нив и на подобрување на демократските капацитети преку невладиниот сектор.
Линкдин, Апворк или Индид - како најбрзо до работа и квалификуван кадар?
Постојат десетици бизнис-мрежи, па фокусот во овој текст го ставаме на тоа кои се најголеми и најдобри платформи за деловно поврзување и наоѓање работа односно работници. Постојат тесно насочени и специјализирани платформи, во кои гравитираат луѓе само од одредена фела, а постојат и мрежи отворени за сите профили.
Искуството на познавачите и експертите во областа на човечките ресурси покажува дека Линкдин е меѓу најкористените бизнис-мрежи кај нас, иако особено поновите генерации се присутни на повеќе платформи. Исто така расте и бројот на компании што на овој начин ги наоѓаат потребните кадри.
Најбарани професии: Во светот земјоделци, во Македонија оператори во кол-центри
Околу 170 милиони нови работни места ќе бидат отворени во следниве пет години на глобално ниво, според извештајот за иднината на работните места на Светскиот економски форум за 2025 година. Кои ќе бидат тие работни места и кои вештини ќе треба да ги поседуваат луѓето за да добијат едно од нив?
На листата работни места за кои се очекува да има најголем раст доминираат улоги клучни за многу економии. Имено, земјоделските работници се на врвот на листата. Во Македонија меѓу петте занимања за кои има најголем број слободни работни места се: оператор во кол-центар, општ работник, продавач, хигиеничар во станбен и деловен простор и возач на камион.
Државата треба да им врати на компаниите 50 милиони евра
Државата ќе треба да им врати на компаниите близу 50 милиони евра откако Уставниот суд донесе одлука за поништување на Законот за солидарен данок. Компаниите платија солидарен данок во текот на 2023 година за добивките што ги остварија во текот на 2022 година, во екот на енергетската криза. Оваа еднократна вонредна јавна давачка ја платија 156 компании.
Компаниите што беа оданочени со солидарен данок во текот на 2022 година имаа вкупен приход поголем од 615 милиони денари (околу 10 милиони евра). Целта беше да се соберат средства за ублажување на последиците од кризата и да се придонесе за јавните расходи на солидарен начин.
Народната банка ја намали каматата на благајничките записи на 5,35 проценти
Извршниот одбор за поставеноста на монетарната политика на Народната банка на вчерашната седница одлучи каматната стапка на благајничките записи да се намали за 0,2 п.п., на нивото од 5,35 проценти.
„Ваквата промена во монетарната поставеност е одраз на поволните трендови кај инфлацијата и девизни резерви, а при и понатаму присутни и нагласени ризици поврзани со надворешното опкружување. Покрај ова, има и ризици од домашните фактори што влијаат врз агрегатната побарувачка“, велат од Народната банка.
Што не смеете да пропуштите во фудбалот?
Фудбалот забрзано се менува, многумина што до вчера беа златен стандард или икони на овој спорт повеќе не се тоа, а пристигнаа нови генерации, кои донесоа нешто свое, ново и возбудливо.
Најдобар пример за тоа е Флоријан Вирц, брилијантниот напаѓач на Баер Леверкузен. Ако слушнете некој да каже дека Вирц е моментално најдобриот играч на светот, сметајте дека таа личност знае што зборува. Вирц има 21 година и има постигнато повеќе голови во европските натпреварувања од големиот Лео Меси на таа возраст.
.webp){kind=icon}
