Додека на Волстрит се шири страв меѓу инвеститорите, технолошките акции во кои многумина веруваа паднаа на нивоа од пред неколку години. Во меѓувреме во Саудиска Арабија се разгледува иднината на Украина.
БЕРЗИ
Распродажба на акции на Волстрит
Распродажбата на акции на американските пазари на капитал денеска нагло забрза, бидејќи инвеститорите се повлекоа од речиси секој вид ризик, а Волстрит го преплави страв. Па така, технолошките акции ослабеа најмногу од 2022 година, при што индексот Nasdaq 100 падна речиси за четири проценти. И цените на криптовалутите паднаа, додека индексот на волатилност, често наречен и мерач на страв на Волстрит, регистрира раст.
Прочитајте повеќе: Златото закрепнува додека инвеститорите ги проценуваат изгледите за царини од САД
Bloomberg
До масовната распродажба дојде бидејќи инвеститорите стравуваат дека царините на претседателот Доналд Трамп, намалувањето на потрошувачката и геополитичките промени ќе го закочат растот на американската економија и потенцијално ќе предизвикаат рецесија.
Прочитајте повеќе: Пазарите се тресат додека Волстрит се „живцира“ поради економскиот удар на Трамп
Па така, акциите на технолошките компании предничеа по падот, при што Nasdaq 100 само во еден ден изгуби повеќе од билион долари вредност. Во меѓувреме акциите на „Тесла“ паднаа за 15, а на „Енвидија“ за повеќе од пет проценти.
Прочитајте повеќе: Голем пад на акциите на „Тесла“ поради намалените процени за продажба
Утрово мешано во САД
Фјучерсите на американските индекси утрово се колебаат меѓу добивки и загуби бидејќи трговската политика ги вознемири инвеститорите, додека инфлацијата останува висока.
Веќе неколку недели инвеститорите на Волстрит внимателно преминуваат од технолошки акции во одбранбени сектори.
Европа
Фјучерсите на европските акции утрово се тргуваат мешано.
Bloomberg
Потсетуваме, европските берзи вчерашното тргување го заклучија со загуби, поради светската неизвесност од американските царини. Инвеститорите стравуваат дека царините на Трамп би можеле да го загрозат растот на најголемата светска економија и потенцијално да ја турнат во рецесија.
И акциите на технолошките компании во Европа паднаа за повеќе од три проценти, по примерот на американските технолошки компании.
Азија
Акциите во азиско-пацифичкиот регион паднаа на најниско ниво во последните пет недели, откако американскиот индекс Nasdaq 100 регистрира најлош ден од 2022 година.
НАФТА
Цената на нафтата се стабилизира по падот, следејќи ги пазарите на акции и ризичниот имот.
Движење на цената на нафтата
MSCI, Nymex
ВТИ (West Texas Intermediate) се купуваше за околу 66 долари за барел откако во понеделникот загуби 1,5 процент од вредноста, додека брентот беше близу 69 долари.
ПОЛИТИКА
Разговори на делегации од Украина и од САД
Во Саудиска Арабија денеска се одржува состанок на делегации од Соединетите Американски Држави (САД) и од Украина, чија цел е да се дефинираат потенцијалните отстапки, во настојување да се постигне договор за прекин на огнот со Русија. Тоа го изјави американскиот државен секретар Марко Рубио.
Марко Рубио
Bloomberg
Тој додаде и дека САД сакаат Украина да покаже јасна посветеност на дипломатско решение.
.webp){kind=icon}
