Последиците од новите агресивни царини на претседателот Доналд Трамп го поттикнаа Конгресот да преземе акција, при што сè поголем број републиканци им се придружуваат на демократите и покажуваат интерес да ја искористат нивната политичка моќ за да го ограничат.
Откако Сенатот, предводен од републиканците, во средата му изрече укор на Трамп со тоа што поддржа укинување на неговите царини кон Канада, законодавците од двата дома разгледуваат дополнителни чекори за да го задржат налетот на претседателот.
Имено, сенаторите разгледуваат други механизми за укинување на постојните царини на Трамп и ограничување на неговата способност да наметнува нови.
Прочитај повеќе

Поднесена е првата тужба против Трамп за царините
Моќна правна група, финансиски поддржана од конзервативците, го тужи претседателот на САД, Доналд Трамп, за наметнатите царини.
пред 15 часа

Дали царините ќе ги турнат САД во рецесија?
Увозните давачки на Трамп и зголемениот песимизам на потрошувачите го зголемуваат ризикот од економска контракција, велат аналитичарите
пред 16 часа

Царините на Трамп збришаа во еден ден 208 милијарди долари на најбогатите
Вкупното богатство на најбогатите 500 луѓе на планетава се намали за 208 милијарди долари во четвртокот.
пред 16 часа

Како ги пресмета Трамп тие 33 отсто? Македонија „казнета“ и покрај дефицитот
Според домашната статистика, Македонија има дефицит со САД, според американската е обратно
03.04.2025
Високи сенатори во четвртокот претставија нов нацрт-закон, со поддршка од двете партии, со кој се настојува делумно да се врати моќта на Конгресот врз царините, откако Трамп објави сеопфатни нови увозни давачки и ја потресе глобалната економија, пренесе „Гардијан“ (Guardian).
Законот за ревизија на трговијата (The Trade Review Act of 2025) е коспонзориран од сенаторот Чак Грасли, водечки републикански законодавец од Ајова - држава што во голема мера се потпира на извозот на земјоделски производи - и сенаторката Марија Кантвел, демократка од Вашингтон, сојузна држава што граничи со Канада.
Овој нацрт-закон наложува претседателот да го извести Конгресот за новите царини и да даде образложение за мерките и анализа за потенцијалното влијание врз американските бизниси и потрошувачи. Потоа, Конгресот би имал рок од 60 дена да ги одобри царините. Доколку не го стори тоа, царините би истекле по тој период.
Легислативата исто така би му овозможила на Конгресот да ги укине царините во кое било време преку резолуција за неодобрување.
„Предолго време Конгресот ја има препуштено својата јасна надлежност за регулирање на меѓудржавната и надворешната трговија на извршната власт“, нагласи Грасли во соопштение што го пренесе Ен-би-си њуз (NBC News).
„Надоврзувајќи се на моите претходни напори како претседател на Финансискиот комитет, се здружувам со сенаторката Кантвел за да го претставиме двопартискиот закон за ревизија на трговијата од 2025 година, со цел повторно да ја утврдиме уставната улога на Конгресот и да обезбедиме Конгресот да има збор во трговската политика“, додаде тој.
Предлогот на Кантвел и Грасли беше претставен еден ден откако Сенатот, со 51 глас „за“ и 48 „против“, поддржа укинување на царините наметнати од Трамп врз канадските производи. Покрај 47 демократи, резолуцијата ја поддржаа и републиканските сенатори Сузан Колинс од Мејн, Лиса Марковски од Алјаска, Ренд Пол и Мич Меконел од Кентаки.
Сенаторот Тим Кејн, демократ од Вирџинија, кој беше автор на оваа резолуција, изјави дека има намера да го надгради успехот со нови резолуции за блокирање на царините на Трамп, а во моментот разгледува кои опции можат најбрзо да се реализираат.
Ваквите напори се соочуваат со големи предизвици, бидејќи секоја резолуција за укинување на царините или нов закон што би влијаел врз надлежностите на претседателот ќе мора да го заобиколи претседателското вето. Сепак, нивото на поддршка во Конгресот може да влијае врз политичката пресметка со претседателот околу користењето на увозните царини како главна точка на неговата политичка агенда.
Кејн нагласи дека „многу повеќе“ од четворица републиканци биле заинтересирани за неговата резолуција, но не гласале. Меѓутоа тој смета дека многумина републиканци ќе ги поддржат ваквите иницијативи „штом економската реалност стане поочигледна“.